Filipifoɛ 2:13 - AHYERƐLƐ KRONGRON

¹³ ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Filipifoɛ 2:13 Iomraidhean Croise

1 Ahemvo 8:58

Mesrɛ kyɛ ɔboka yɛ maa yɛfa yɛ nwo amukoraa yɛma ye, yɛnate ye atee amukoraa so, ná yɛli ye mmeraa dwirɛ, ye ahyɛdeɛ ne ye nhyehyɛleɛ bɔ ɔhyɛ mane yɛ nana mɔ ne aso.

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:5

Na ɛhe mane Yuda ne Benyamin abusua nu mbanyi, asɔfo ne Lewifoɛ, yeɛ ebiala bɔ Nyameɛ kanyane ye ne, ɔboaboale ye nwo kyɛ ɔkɔ Yerusalem osa kosi AWURADE awuro ne.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

YOB NWOMAA NE 33:29

“Amba, ɛhemɔ amukoraa, Nyameɛ yeɛ ɔyɔ ɔ, na ɔyɔ ye mmerɛ pee ɔma sona,

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 119:36

Ma m’ahone ooli wɔ noa dwirɛ si, na nnɛmaa okodi anyeboroborolɛ si.

Edwein 141:4

Nnɛmaa mekakyi m’adwene mekɔ bɔne nwo, nnɛmaa mefa me nwo mebɔ amumuyɛɛfoɛ, nnɛfa mefa bɔne meyɛ me nwo buru ne nnu, nnɛmaa medi b’akɔnnɔdeɛ ne bie.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:38

Bɛkɔyɛ me maen, ná me koso mayɛ bɛ Nyameɛ.

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yohane 6:65

Na ɔhane kyɛ, “Ɔnate ɛhe ati yeɛ mahã mahyire ɛmɔ kyɛ, ebiala ngɔhora ngɔwa me berɛ, sana Baba ne afa ye wama me.”

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

Romanfoɛ 9:11

Ɔwɔ nu kyɛ né bennya bɛwwole bɛ de, na wawa kyɛ po bɛyɔ paa anaa tɛɛ biala ɔ. Nakoso kyɛbɔ ɔkɔyɛ na Nyameɛ nhyehyɛleɛ, bɔ oggyi nnwumaa so, na mmom ogyi bɛ nu ko frɛlɛ so kɔwa nu ne ati,

Romanfoɛ 9:16

Yiti oggyi bɔ kuro sona okuro anaa bɔ ɔkɔyɔ so, na mmom ogyi Nyameɛ anwumvoinnwunɛ so.

1 Korintofoɛ 12:6

Dwumadie koso gua ahoroɔ, nakoso Nyameɛ komapɛ ne ala yeɛ ɔfa yɛ mukoraa so odi dwumaa ne ɔ.

1 Korintofoɛ 15:10

Nyameɛ adom ti yeɛ nde kyɛ bɔ nde ye, na ye adom bɔ ɔfa lole me ne wanyɛ mbaen. Mayɔ adwuma matra bɛ mukoraa, nakoso nna me mmɔdenbɔlɛ ɔ, na mmom Nyameɛ adom bɔ ɔboka me ne ɔ.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:5

Na ɔneaneane nu yele yɛ siele berɛ kyɛ ɔnate Yesu Kristo so ɔkɔfa yɛ kɔyɛ ye mma, kyɛbɔ ye nhyehyɛleɛ botaeɛ te ne;

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

2 Tɛsalonika 1:11

Yiti daa yɛbɔ mbaeɛ yɛma ɛmɔ, kyɛ yɛ Nyameɛ obu ɛmɔ kyɛ ɛmɔfata ye frɛlɛ ne, ná ɔfa ye tumi so ma ɛmɔhora bɛyɔ paa biala bɔ ɛmɔpena kyɛ ɛmɔyɔ ɔ, ná ɔma ɛmɔ gyidie adwuma li mu;

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,