Filipifoɛ 2:12 - AHYERƐLƐ KRONGRON

¹² Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Filipifoɛ 2:12 Iomraidhean Croise

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 2:11

Ɛ́mɔfa esuronyi bɛso AWURADE, ná ɛ́mɔfa anwopopolɛ koso beli ahurusi.

Anyandera 10:16

Teneneeniɛ akatuaa fa ye kɔ ngoa nu, nakoso bɔnefoɛ de, ye mvasoɛ fa ye kɔ bɔne nu.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Mateo 11:12

Na ofi Asubɔlɛniɛ Yohane aberɛ so bɔ ɔbaadwu ɛnɛ ye, nyameɛso ahennie ne ɔ́ba anyeborolɛ so; na bɛ bɔ bɛ nye aboro ne bɛfa ye anyeborolɛ so.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Asomafoɛ 16:29

Biaa ne maa bɛfale kanea bɛbrɛle ye, otuli amirika wale sua ne anu dɔ, na ɔfale anwopopolɛ tole ye nwo yele Pɔɔlo ne Silase gya bo.

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

1 Korintofoɛ 2:3

Na mvale anwobrɛaseɛ ne esuronyi ne anwopopolɛ yeɛ me ne ɛmɔ yɛtenane ɔ.

1 Korintofoɛ 4:14

Mengyerɛ ɛhe memma ngua ɛmɔ nyunu ase, nakoso mefa metu ɛmɔ foɛ kyɛ me mma bɔ mekuro ɛmɔ dwirɛ ɔ.

2 Korintofoɛ 7:15

Na sɛ Tito kaye kyɛbɔ ɛmɔ amukoraa ɛmɔyɛle sotie bɛmane ye, ɔne kyɛbɔ ɛmɔsi bɛfale esuronyi ne anwopopolɛ belele ye nyemene so ne a, né okuro ɛmɔ dwirɛ soma.

Ɛfesofoɛ 6:5

Ngoaa mɔ, ɛ́mɔye ɛmɔ ahone nu bɛ́fa esuronyi ne anwowosolɛ bɛ́yɛ sotie bɛ́ma ɛmɔ anwoɔnan nu meneɛ mɔ, kyɛbɔ ɛmɔyɔ bɛma Kristo ne;

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Filipifoɛ 1:5

ɔnate ɛmɔ abiɛngoɛfalɛ bɔ ɛmɔanya ye wɔ nzɛmba ne anu fi kyẽa bɔ oli moa ne toonn maa waadwu ɛnɛ ne ati;

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

Filipifoɛ 2:19

Me nye la so wɔ Awurade Yesu nu, kyɛ ɔngɔhyɛ biala ngɔsoma Timoteo maa ɔkɔwa ɛmɔ berɛ, na sɛ ɔfa ɛmɔ nwo amaneɛ babɔ me a, ɔkɔma me wora kɔkyekye.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

Filipifoɛ 4:15

Na ɛmɔ Filipifoɛ koso, ɛmɔse kyɛ nzɛmba n’ahyɛseɛ ne, mmerɛ bɔ mvili Makedonia ngɔle ne, asɔre biala wammoka me wɔ akyɛdeɛ manɛ ne ye lelɛ nu, sana ɛmɔ ngome ala.

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.