Filipifoɛ 2:1 - AHYERƐLƐ KRONGRON

¹ Yiti sɛ Kristo nu nguraenhyɛlɛ bie wɔ berɛ, sɛ ɔdɔ aworakyekyerɛ bie wɔ berɛ, sɛ Sunzum nu abiɛngoɛfalɛ bie wɔ berɛ, sɛ ahunundetelɛ ne anwumvoinnwunɛ bie wɔ berɛ a,

Filipifoɛ 2:1 Iomraidhean Croise

Edwein 133:1

Nea kyɛbɔ osi te paa ná ɔyɛ nyemene ɔ, kyɛ aliɛmaa mɔ bɛkɔtena bɛkɔyɛ ko ɔ!

Yesaya 16:11

Yiti me kra di Moabo nwo aworabɔlɛ kyɛ aworabɔlɛ dwein bɔ bɛto bɛfa ye nwo ɔ, yeɛ me kunu tete me ma Kire Herese.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Yohane 14:18

“Mengɔyakyi ɛmɔ nyisiaafoɛ, ngɔwa ɛmɔ berɛ.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 17:13

Na afei de, méba wɔ berɛ, na mekã edwirɛ hemɔ wɔ wiase wa, amaa ɔnate so banya m’anigye maa wali mu wɔ bɛ nu.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 4:32

Agyidifoɛ fekue ne mane b’adwene yɛle ko. Ebiala le tole nu kyɛ ye nikyee biala bɔ ole ye ne ɔtte ye ngome ye deɛ, na mmom ɔte ebiala bɔ ɔwɔ fekue ne anu deɛ.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Romanfoɛ 8:26

Sɔ ala yeɛ Sunzum ne boka yɛ wɔ yɛ mmerɛyɛlɛ nu ɔ, ofikyɛ yɛnze kyɛbɔ ɔsɛ kyɛ yɛbɔ mbaeɛ ɔ. Nakoso Sunzum ne bɔbɔ ogyina yɛ gya nu, na ɔfa ɛpenenɛ bɔ bɛngora bɛmva edwudwolɛ bɛnga ɔ so ɔsrɛ ma yɛ.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 15:31

Mesi ye pi mekyire ɛmɔ, aliɛmaa mɔ, ɔnate kyɛ mefa ɛmɔ mehoahoa me nwo wɔ y’Awurade Yesu Kristo nyunu ne ati, ewue li me mvanvando daa biala.

1 Korintofoɛ 3:16

Aso ɛmɔnze kyɛ ɛmɔte Nyameɛ asɔneyɛɛ sua na Nyameɛ Sunzum te ɛmɔ nu ɔ?

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Filipifoɛ 1:8

Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.