Filipifoɛ 1:8 - AHYERƐLƐ KRONGRON

⁸ Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Filipifoɛ 1:8 Iomraidhean Croise

YOB NWOMAA NE 16:19

Na kekesaala ye po, tie, m’adanzeniɛ wɔ nyameɛso, yeɛ bɔ ɔka bie ma me ne koso ɔwɔ anwuro.

Yesaya 16:11

Yiti me kra di Moabo nwo aworabɔlɛ kyɛ aworabɔlɛ dwein bɔ bɛto bɛfa ye nwo ɔ, yeɛ me kunu tete me ma Kire Herese.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Luka 1:78

ɔnate yɛ Nyameɛ anwumvoinnwunɛ bɔ ɔma ye kunu tete ye ne anu. Na ye sɔ ati yeɛ alehyeleɛ bɔ ofi anwuro ɔ wapukye wɔ yɛ so ye,

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

Romanfoɛ 9:1

Meka nahorɛ ne wɔ Kristo nu, membɛ ngondombo; na me tiboa koso di me adanzeɛ wɔ Sunzum Krongron nu.

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

2 Korintofoɛ 6:12

Yahyire kyɛ ɛmɔbata y’ahone nwo, nakoso ɛmɔ de ɛmɔngyire kyɛ yɛbata ɛmɔ ahone nwo.

2 Korintofoɛ 7:15

Na sɛ Tito kaye kyɛbɔ ɛmɔ amukoraa ɛmɔyɛle sotie bɛmane ye, ɔne kyɛbɔ ɛmɔsi bɛfale esuronyi ne anwopopolɛ belele ye nyemene so ne a, né okuro ɛmɔ dwirɛ soma.

Galatiafoɛ 1:20

Na edwirɛ bɔ mekyerɛ mebrɛ ɛmɔ ye, Nyameɛ nyunu, membɛ ngondombo.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

Filipifoɛ 2:1

Yiti sɛ Kristo nu nguraenhyɛlɛ bie wɔ berɛ, sɛ ɔdɔ aworakyekyerɛ bie wɔ berɛ, sɛ Sunzum nu abiɛngoɛfalɛ bie wɔ berɛ, sɛ ahunundetelɛ ne anwumvoinnwunɛ bie wɔ berɛ a,

Filipifoɛ 2:26

ofikyɛ ye wora dɔ ɛmɔ amukoraa, na ɔha ye kyɛ ɛmɔtele kyɛ anwonyerɛ bɔle ye ɔ.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

Kolosefoɛ 2:1

Mekuro kyɛ ɛmɔnwu mmɔden paa bɔ mebɔ mema ɛmɔ, yeɛ afei bɛ bɔ bɛwɔ Laodikea, ɔne ebiala bɔ onnwuni me nyunu le ɔ.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Tɛsalonikafoɛ 2:5

Ɛmɔse kyɛ yanga adɛfɛdɛfɛ dwirɛ biala; yeɛ yammutubutu edwirɛ so yamva yambena adifuu nikye, Nyameɛ te yɛ danzeniɛ!

1 Tɛsalonikafoɛ 2:8

Na ɔnate ɛmɔ nwo dɔ bɔ yɛle ye ne ati, nna Nyameɛ nzɛmba ne ngome yeɛ yɛhã yɛhyirele ɛmɔ ɔ, na mmom yɛfale yɛ nwo yɛbɔle afɔleɛ koso yɛmane ɛmɔ, ofikyɛ yɛhurole ɛmɔ dwirɛ soma.

2 Timoteo 1:4

Na mekaye wɔ nye moen ne a, ɔma me wora dɔ wɔ kyɛ ngonwu wɔ paa ɔ, ná ahaa me nye agye.

Filemɔn 1:12

Mésoma ye maa osa ba wɔ berɛ; ɔte sona bɔ ɔla m’ahone nwo ɔ.

Filemɔn 1:20

Yiti aliɛmaa, maa nya anigye bie mvi wɔ berɛ wɔ Awurade nu; kyekye me wora wɔ Kristo nu.

1 Yohane 3:17

Nakoso sɛ ebie le wiase anwonyadeɛ, ná sɛ onwu kyɛ oliɛma nwo kyere ye, ná wannwu ye anwumvoin a, né Nyameɛ dɔ ne te ye nu sɛ?