Filipifoɛ 1:7 - AHYERƐLƐ KRONGRON

⁷ Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Filipifoɛ 1:7 Iomraidhean Croise

Asomafoɛ 20:23

sana bɔ Sunzum Krongron ne ahã ahyire me wɔ kuro biala so kyɛ mmenia kɔto me kuku nu na bamaa manwu amaneɛ ɔ.

Asomafoɛ 21:33

Asraafoɛ panyi ne ɔɔsɔle Pɔɔlo nu na ɔmaa bɛfale ngɔnzɔngɔnzɔ nyɔ beguale ye, na afei obisale bɛ kyɛ, “Na nwa ɛhe? Wayɔ nzu?”

1 Korintofoɛ 13:7

Ɔdɔ abasanu mmu, ode nningyein mukoraa di, ole nningyein mukoraa nu anyelasoɛ, na ole nningyein mukoraa nu animia.

1 Korintofoɛ 9:23

Nzɛmba ne ati yeɛ meyɔ ɛhe amukoraa ɔ, amaa me koso manya nu saleɛ ne bie.

2 Korintofoɛ 3:2

Ɛmɔ ole yɛ nwo adanzeɛ krataa bɔ bahyerɛ ye wɔ y’ahone nu ɔ, bɔ mmenia mukoraa nwu ye ná bɛkenga ɔ;

2 Korintofoɛ 7:3

Menga he memmua ɛmɔ foɛ, ofikyɛ mali moa mahã kyɛ ɛmɔbata y’ahone nwo, bɔ sɛ ewue nu oo, ngoa nu oo, yɛne ɛmɔ ala.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 3:1

Ɔnate ɛhe ati, me Pɔɔlo, nde Kristo Yesu kukununiɛ mema ɛmɔ Amaenmaensofoɛ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 6:20

bɔ ye nwo bɔfoɛ bɔ nde ti yeɛ bagua me ngɔnzɔngɔnzɔ ye; amaa mahora masi m’ahone mahã, kyɛbɔ ɔsɛ kyɛ mekã ɔ.

Filipifoɛ 1:12

Aliɛmaa mɔ, mekuro kyɛ ɛmɔnwu ye kyɛ, bɔ wato me ne, waboka wama nzɛmba ne atrɛ mmom,

Filipifoɛ 1:13

na ɔnate so wala ali wɔ amrado ahemviefoɛ nemɔ amukoraa nu ne mmenia ngaa nemɔ anu kyɛ, Kristo ti yeɛ nna kukunu ɔ,

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Filipifoɛ 1:5

ɔnate ɛmɔ abiɛngoɛfalɛ bɔ ɛmɔanya ye wɔ nzɛmba ne anu fi kyẽa bɔ oli moa ne toonn maa waadwu ɛnɛ ne ati;

Filipifoɛ 2:22

Nakoso ɛmɔ de, kyɛbɔ ɛmɔdi ye nwo adanzeɛ ne, ɛmɔse kyɛbɔ yasi yayɛ kyɛ seɛ ne baa bɔ yɛso wɔ nzɛmba ne nwo ɔ.

Filipifoɛ 4:14

Nakoso ɔte paa kyɛ ɛmɔbokale me wɔ m’anwokyere nu ɔ.

Filipifoɛ 4:15

Na ɛmɔ Filipifoɛ koso, ɛmɔse kyɛ nzɛmba n’ahyɛseɛ ne, mmerɛ bɔ mvili Makedonia ngɔle ne, asɔre biala wammoka me wɔ akyɛdeɛ manɛ ne ye lelɛ nu, sana ɛmɔ ngome ala.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Kolosefoɛ 4:18

Me Pɔɔlo, me bɔbɔ me sa noa ahyerɛlɛ he yeɛ mefa mebisa ɛmɔ bisabisa ɔ. Ɛ́mɔkaye kyɛ ndɛla kuku nu. Adom ɔyɛ ɛmɔ deɛ. Amen.

Kolosefoɛ 4:3

Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

1 Tɛsalonikafoɛ 5:5

Ɛmɔ amukoraa ɛmɔte kanea mma ne alehyeleɛ mma. Yɛtte alesaleɛ anaa awosii mmaa.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

2 Timoteo 2:9

nzɛmba ne bɔ yiti yeɛ menwu amaneɛ ná babɔ me panwu kyɛ wudiniɛ ne; nakoso Nyameɛ dwirɛ ne de, bɛbbɔle ye panwu.

Filemɔn 1:13

Ahaa mekuro kyɛ memaa ɔtena me nwo wa, ná ogyina wɔ gya nu ɔso me, wɔ mmerɛ bɔ nzɛmba ne ati nna kukunu ye;

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

2 Petro 1:13

Na mmerɛ bɔ nwɔ ɛtena sua ye anu ye de, menea a, ɔte paa kyɛ ngɔbɔ ɛmɔ so maa ɔkɔkanyane ɛmɔ ɔ,

1 Yohane 3:14

Yɛse kyɛ yɛfi ewue nu yawa ngoa nu, ofikyɛ yɛkuro aliɛmaa nemɔ dwirɛ. Na bɔ onguro oliɛma dwirɛ ne tɛte ewue nu.