Filipifoɛ 1:4 - AHYERƐLƐ KRONGRON

⁴ Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

Filipifoɛ 1:4 Iomraidhean Croise

Marko 5:5

Alehyeleɛ ne alesaleɛ biala, né ɔwɔ asieleɛ ngumaa nemɔ anu ne mmokaa nemɔ aso ɔteatea nu, ná osa fa nyɔboɛ pepɛpepɛ ye nwo.

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

Filipifoɛ 2:2

ye de, ɔsɛ kyɛ ɛmɔdwene adwene ko, ɛmɔnya ɔdɔ ko, ɛmɔnya koyɛlɛ ne adwene ko maa m’anigye osi pi.

Filipifoɛ 3:18

Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

Kolosefoɛ 2:5

Ɔwɔ nu kyɛ anwoɔnaen nu de nna me ne ɛmɔ yeɛ yɛwɔ dɔ ɔ, nakoso me ne ɛmɔ yɛwɔ dɔ sunzum nu. Na ɔyɛ me fɛ kyɛ ɛmɔgyi berɛ pindinn ná ɛmɔ gyidie koso atindim wɔ Kristo nu ɔ.

1 Tɛsalonikafoɛ 1:2

Ɔnate ɛmɔ amukoraa bɛ ti, mmerɛ biala yɛfa asennaa yɛma Nyameɛ, na yɛbɔ ɛmɔ dumaa wɔ yɛ mbaeɛbɔlɛ nu.

Filemɔn 1:7

Aliɛmaa, ɔdɔ bɔ ele ye ne, wamaa yanya anigye ne nguraenhyɛlɛ pee, ofikyɛ ama anwoteefoɛ ne amukoraa bɛ wora akyekye.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.