Biblia Todo Logo
Bìoball air-loidhne

- Sanasan -




Filipifoɛ 1:27 - AHYERƐLƐ KRONGRON

27 Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Faic an caibideil Dèan lethbhreac




Filipifoɛ 1:27
53 Iomraidhean Croise  

Na Yoabo sele kyɛ, “Sɛ Siriafoɛ b’anwoserɛ bo me so a, baaboka me; yeɛ sɛ Amonfoɛ koso b’anwoserɛ bo wɔ so a, ngɔɔboka wɔ.


Yerusalem, bakyekye ye kyɛ kuro bɔ bakyekye bama nu amia ɔ.


Nea kyɛbɔ osi te paa ná ɔyɛ nyemene ɔ, kyɛ aliɛmaa mɔ bɛkɔtena bɛkɔyɛ ko ɔ!


ofikyɛ AWURADE koli bɛ dwirɛ kɔma bɛ, na bɛ bɔ besisi ehiafoɛ ne, okole bɛ kra kofi bɛ sa nu.


Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.


Yesu nwuni b’adwene, yiti obuale bɛ kyɛ, “Ahennie biala bɔ ɔne ye nwo ko ne, ogu; yeɛ kuro anaa awuro biala bɔ ɔne ye nwo ko ne, ɔbɔ.


Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;


Ngyẽa kãa bie asi ne, Felise ne ɔye Yudaniɛ bɔ bɛfrɛ ye Drusila bɛwale. Felise somane maa bɛɛfale Pɔɔlo bɛwale, na ɔmaa ɔhane Kristo Yesu nu gyidie nwo dwirɛ maa otiele.


Agyidifoɛ fekue ne mane b’adwene yɛle ko. Ebiala le tole nu kyɛ ye nikyee biala bɔ ole ye ne ɔtte ye ngome ye deɛ, na mmom ɔte ebiala bɔ ɔwɔ fekue ne anu deɛ.


Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.


bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,


Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.


Nzikyɛ yeɛ Ahyerɛlɛ ne ɔkã ɔ? “Edwirɛ ne apingye wɔ, ɔwɔ wɔ noa ne w’ahone nu,” (ye ole gyidie dwirɛ bɔ yɛbɔ ye dawure ne).


kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.


Na mese kyɛ meba ɛmɔ berɛ a, ngɔfa Kristo nzɛmba ne anu saleɛ mmorosoɛ yeɛ ngɔwa ɔ.


Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.


Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.


Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.


Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.


Sɔ mmokalɛ he di ɛmɔ nwo adanzeɛ, na ɔkɔmaa bɛkɔhyɛ Nyameɛ animnyam wɔ ɛmɔ sotie wɔ Kristo nzɛmba ne nwo, ɔne mmokalɛ bɔ ɛmɔfa boka bɛ ne mmenia mukoraa nwo,


Nakoso nzɛmba foforɛ biala nne berɛ; na mmom mmenia biemɔ wɔ berɛ bɔ bɛha ɛmɔ, bɔ bɛpena kyɛ bɛsesã Kristo nzɛmba ne ɔ.


Na ye nu yeɛ ɛmɔ koso, ɛmɔtele nahorɛ dwirɛ bɔ ɔte ɛmɔ ngoalelɛ nwo nzɛmba ne ɔ. Ye ala nu koso yeɛ ɛmɔle belili ɔ, na ɔfale Sunzum Krongron bɔ wahyɛ ye nwo bɔ ne hyɛle ɛmɔ nzorɛ kyɛ ɛmɔte ye deɛ,


Yiti me koso, ofi mmerɛ bɔ ndele ɛmɔ gyidie wɔ Awurade Yesu nu ɔne anwoteefoɛ amukoraa nwo dɔ bɔ ɛmɔle ye ne,


Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,


ɔnate ɛmɔ abiɛngoɛfalɛ bɔ ɛmɔanya ye wɔ nzɛmba ne anu fi kyẽa bɔ oli moa ne toonn maa waadwu ɛnɛ ne ati;


Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,


Na m’anyelasoɛ wɔ Awurade nu kyɛ ɔngɔhyɛ biala me bɔbɔ koso ngɔwa ɛmɔ berɛ.


Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.


Nakoso yɛ de, nyameɛso yeɛ ɔte yɛ maen ɔ. Berɛ yeɛ yɛnwondɛ kyɛ yɛ Ngoadefoɛ bɔ ye ole Awurade Yesu Kristo ne okofi kɔwa ɔ;


Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.


Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.


Ofikyɛ yate ɛmɔ gyidie bɔ ɔwɔ Kristo Yesu nu ne, ɔne ehurolɛ bɔ ɛmɔkuro anwoteefoɛ amukoraa bɛ dwirɛ ne nga;


Nakoso afei de, Timoteo afi ɛmɔ berɛ wasa wawa yɛ wa, na wafa ɛmɔ gyidie ne ɔdɔ nwo dwirɛ fɛɛ waabɔ yɛ amaneɛ kyɛ daa ɛmɔkaye yɛ paa, na ɛmɔ wora dɔ yɛ, kyɛbɔ yɛ koso yɛ wora dɔ ɛmɔ ne ala.


Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.


kyɛbɔ saleɛ Nyameɛ animnyam nzɛmba bɔ bafa bawura me sa ne ɔte ne.


ná nya gyidie ne tiboa paa bɔ ebiemɔ de bagyi bato nekaa bie, ná bafi ase wɔ gyidie nu ne.


Koɛ paa ne, maho; amirika ne, matu mayie; gyidie ne, masɔ nu.


anaa bɛyɛ bɛ so awue mmaa mmaa; na mmom ɔsɛ kyɛ bɛda nahorɛ paa amukoraa ali, amaa ɔnate so bama yɛ Ngoadefoɛ Nyameɛ ngyerɛkyerɛ ne wanya anidie wɔ nikyee biala nu.


ofikyɛ ɔdɔ bɔ ele ye ma anwoteefoɛ amukoraa ɔne wɔ gyidie wɔ Awurade Yesu nu ne, mete ye nga.


Na bɛ bɔ bɛpena asomdwee si atee, bɔ bedua ye asomdwee nu ne, bɛte tenenee mmaa.


Na sɛ sɔ yeɛ sɔ nningyein ne amukoraa bɛkɔsɛkye a, nzaade nzikyɛ mmenia yeɛ ɔsɛ kyɛ ɛmɔyɛ ɔ? Ɔsɛ kyɛ ɛmɔtira bra krongron ne nyamesom paa nu,


Yiti aliɛmaa mɔ, ɔnate kyɛ ɛmɔnwondɛ sɔ nningyein hemɔ ne ati, ɛ́mɔbɔ mmɔden kyɛ okonwu ɛmɔ wɔ asomdwee nu, bɔ ngekalewa anaa nnɛen biala nne ɛmɔ nwo ɔ.


Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.


Lean sinn:

Sanasan


Sanasan