Filipifoɛ 1:26 - AHYERƐLƐ KRONGRON

²⁶ amaa ɔnate me ti ɛmɔahoahoa ɛmɔ nwo mmorosoɛ wɔ Kristo Yesu nu, ɔnate ɛwalɛ bɔ mebaawa ɛmɔ berɛ bieku ne ati.

Filipifoɛ 1:26 Iomraidhean Croise

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Yohane 16:22

Na ɛmɔ koso, kekesaala ye de, ɛmɔdi aworabɔlɛ, nakoso ngonwu ɛmɔ bieku, na ɛmɔ ahone kɔtɔ ɛmɔ kunu; na ɛmɔ anigye ne, ebiala ngole ngofi ɛmɔ sa nu.

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

2 Korintofoɛ 1:14

kyɛbɔ ɛmɔate yɛ bo bue bue ne, amaa ɔnate so ɛmɔafa yɛ bahoahoa ɛmɔ nwo kyɛbɔ yɛ koso yɛkɔfa ɛmɔ yɛkɔhoahoa yɛ nwo wɔ Awurade Yesu kyẽa ne.

2 Korintofoɛ 5:12

Yɛngamvo yɛ nwo ngyire ɛmɔ ko, na mmom yɛma ɛmɔnya atee ɛmɔfa yɛ bɛhoahoa ɛmɔ anwo, amaa ɛmɔanya nyeanoɛ bama mmenia bɔ bɛmva bɔ ɔwɔ ahone nu, na mmom bɛfa bɛ nye so nikyee bɛhoahoa bɛ nwo ne.

2 Korintofoɛ 7:14

Na sɛ mvale ɛmɔ nhoahoale me nwo ngyirele ye a, ɛmɔamma me nyunu angua ase. Na kyɛbɔ edwirɛ biala bɔ yɛhã yɛhyirele ɛmɔ te nahorɛ nen, sɔ ala yeɛ ɛmɔ nwo bɔ yɛhoahoale yɛhyirele Tito ne koso ayɛ nahorɛ ɔ.

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

Galatiafoɛ 6:4

Yiti ma oso ye bɔbɔ ye adwuma nea, na ɛhe kɔmaa ɔkɔfa nikyee bɔ ye bɔbɔ wayɔ kɔhoahoa ye nwo, na ɔngɔfa ebie deɛ.

Filipifoɛ 3:1

Aliɛmaa mɔ, bɔ ɔpɛ ye bo ɔ, ɛ́mɔma ɛmɔ nye gye wɔ Awurade nu. Ɔnha me kyɛ ngosa ngɔhyerɛ nikyee komapɛ ne ala ngɔbrɛ ɛmɔ ɔ, na ye sɔ te paa ma ɛmɔ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Filipifoɛ 4:10

Ɔyɛ me fɛ paa wɔ Awurade nu kyɛ afei de ɛmɔasa bahyɛ ye bo bɛdwene me nwo bieku ɔ; ɛmɔdwene me nwo de, nakoso atee amma nu amma ɛmɔ.

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!