Filipifoɛ 1:22 - AHYERƐLƐ KRONGRON

²² Na sɛ ase bɔ nde wɔ anwoɔnaen nu ye, yeɛ ɔmaa menya ngɔsoɛ wɔ m’adwuma nu a, ye de né mennwu bɛ nu horɛ bɔ mva ɔ.

Filipifoɛ 1:22 Iomraidhean Croise

Gyenesise 21:26

Na Abimɛlɛke yele ye noa kyɛ, “Menze sona bɔ wayɔ sɔ nikyee ne; na wɔ koso anga angyire me. Nndele ye le, sana ɛnɛ ala.”

Gyenesise 39:8

Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa.

Edwein 71:18

Yiti menyi meyɛ aworowaa ma me ti anu yɛ gyein a, ao Nyameɛ, nnɛpo me, kɔpem kyɛ ngɔbɔ w’anwoserɛ nwo dawure ngohyire aworɛ ndoatoasoɛ he, ɔne wɔ tumi nwo dawure ngohyire ebiala bɔ ɔbaawa ɔ.

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Asomafoɛ 3:17

“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ.

Romanfoɛ 1:13

Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.

Romanfoɛ 11:2

Nyameɛ de, ɔppole ye maen bɔ onwuni bɛ siele dada ne. Aso ɛmɔnze edwirɛ bɔ Ahyerɛlɛ ne kã fa Elia nwo, kyɛbɔ ɔbɔle Yisrael kwaadu hyirele Nyameɛ ne?

2 Korintofoɛ 10:3

Ofikyɛ ɔwɔ nu kyɛ yɛbɔ yɛ bra wɔ anwoɔnaen nu de, nakoso yɛngo anwoɔnaen nu koɛ.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

Filipifoɛ 1:24

nakoso ɔnate ɛmɔ ti ohia kyɛ mekɔ so metena ase anwoɔnaen nu ɔ.

Kolosefoɛ 2:1

Mekuro kyɛ ɛmɔnwu mmɔden paa bɔ mebɔ mema ɛmɔ, yeɛ afei bɛ bɔ bɛwɔ Laodikea, ɔne ebiala bɔ onnwuni me nyunu le ɔ.

1 Petro 4:2

na anwoɔnaen nu asetena mmerɛ bɔ waha ne, ɔndena ase mma sona akɔnnɔ ko, na mmom ɔtena ase ma Nyameɛ apɛdeɛ.