Filipifoɛ 1:19 - AHYERƐLƐ KRONGRON

¹⁹ Ofikyɛ mese kyɛ ɔnate ɛmɔ mbaeɛbɔlɛ ne Yesu Kristo Sunzum mmokalɛ so, ɛhe kɔkakyi ngoalelɛ kɔma me,

Filipifoɛ 1:19 Iomraidhean Croise

Asomafoɛ 16:7

Na bedwuli Misia manzini ndendeneɛ so ne, bɛyɛle kyɛ bɛkɔ Bitinia, nakoso Yesu Sunzum ne amma bɛ ate.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

Romanfoɛ 8:9

Ɛmɔ de, ɛmɔnni anwoɔnaen nhyehyɛleɛ so, na mmom Sunzum nhyehyɛleɛ so, ofikyɛ Nyameɛ Sunzum te ɛmɔ nu. Na ebiala bɔ olle Kristo Sunzum ne, ɔtte Kristo deɛ.

1 Korintofoɛ 4:17

Ɛhe ati, mésoma mma Timoteo bɔ mekuro ye dwirɛ ná odi nahorɛ wɔ Awurade nu ne wɔ ɛmɔ berɛ, kyɛ ɔɔkayekaye ɛmɔ me Kristo nu brabɔlɛ, kyɛbɔ mekyirekyire ye asɔre biala nu wɔ nekaa biala ne.

2 Korintofoɛ 1:11

Odi kyɛ ɛmɔ koso ɛmɔboka yɛ wɔ mbaeɛbɔlɛ nu, amaa mmeni pee bala Nyameɛ ase ama yɛ kyɛ wafa mmeni soma mbaeɛ so wafa sɔ adom ye walo yɛ ɔ.

Galatiafoɛ 3:5

Yiti Nyameɛ bɔ ɔma ɛmɔ Sunzum ne ná ɔyɔ anwanwadeɛ wɔ ɛmɔ nu ne, ɔnate mmeraa ne aso lilɛ yeɛ ɔyɔ ɔ, anaa ɔnate nzɛmba bɔ ɛmɔtele ná ɛmɔle lili ne aso?

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Filipifoɛ 1:18

Onhia po! Atee biala so, kyɛ bɛpati bɛyɔ oo, anaakyɛ bɛyɔ ye nahorɛ nu oo, Kristo nwo dwirɛ komapɛ ne ala yeɛ bɛkã ɔ; na ɛhe maa medi ahurusi, amba, ngɔhɔ so ngoli ahurusi.

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.