Filipifoɛ 1:12 - AHYERƐLƐ KRONGRON

¹² Aliɛmaa mɔ, mekuro kyɛ ɛmɔnwu ye kyɛ, bɔ wato me ne, waboka wama nzɛmba ne atrɛ mmom,

Filipifoɛ 1:12 Iomraidhean Croise

Ɛseta 9:1

Bosome bɔ ɔtɔ so buru ne nyɔ, bɔ oli Ada ne, ye kyẽa bɔ ɔtɔ so buru ne nza ne aso, bɔ né bɛbaafa Nana Ahasuro mmeraa ne ye krataa ne bɛyɔ adwuma ne, sɔ kyẽa ne ala yeɛ né Yudafoɛ bɛ pɔfoɛ mɔ batu basie berɛ kyɛ bekohũhũ Yudafoɛ ɔ. Nakoso wamma ye sɔ. Ɔyɛle kyẽa bɔ Yudafoɛ belili bɛ pɔfoɛ mɔ so ngonim ɔ.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Ɛksadɔso 18:11

Na afei de, manwu ye kyɛ AWURADE te piri tra bosoen biala, ofikyɛ olele mmenia ne fili Misraimfoɛ sa nu, mmerɛ bɔ né bɛ́hyɛ bɛ anyeborolɛ ne.”

Luka 21:13

Na ɛhe kɔma ɛmɔkoli me nwo adanzeɛ!

Asomafoɛ 8:4

Na agyidifoɛ bɔ bɛbɔle aya ne, behyinini bɛhane nzɛmba ne.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

Romanfoɛ 8:37

Nakoso ɛhemɔ amukoraa nu ne, yɛfa bɔ okuro yɛ dwirɛ ne aso yɛdi ngonim mmorosoɛ.

Filipifoɛ 1:5

ɔnate ɛmɔ abiɛngoɛfalɛ bɔ ɛmɔanya ye wɔ nzɛmba ne anu fi kyẽa bɔ oli moa ne toonn maa waadwu ɛnɛ ne ati;

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Filipifoɛ 2:22

Nakoso ɛmɔ de, kyɛbɔ ɛmɔdi ye nwo adanzeɛ ne, ɛmɔse kyɛbɔ yasi yayɛ kyɛ seɛ ne baa bɔ yɛso wɔ nzɛmba ne nwo ɔ.

Filipifoɛ 4:15

Na ɛmɔ Filipifoɛ koso, ɛmɔse kyɛ nzɛmba n’ahyɛseɛ ne, mmerɛ bɔ mvili Makedonia ngɔle ne, asɔre biala wammoka me wɔ akyɛdeɛ manɛ ne ye lelɛ nu, sana ɛmɔ ngome ala.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

2 Timoteo 2:9

nzɛmba ne bɔ yiti yeɛ menwu amaneɛ ná babɔ me panwu kyɛ wudiniɛ ne; nakoso Nyameɛ dwirɛ ne de, bɛbbɔle ye panwu.

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.