Filipifoɛ 1:1 - AHYERƐLƐ KRONGRON

¹ Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

Filipifoɛ 1:1 Iomraidhean Croise

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Asomafoɛ 1:20

“Ofikyɛ bahyerɛ ye Edwein Nwomaa ne anu kyɛ, ‘Ma ye atenaleɛ ɔyɛ dandue, nnɛma ebiala tena nu.’ ‘Yeɛ ye diberɛ ne, ma ebie ɔfa!’

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 9:13

Na Anania buale kyɛ, “Awurade, mmeni pee bahã biaa he nwo dwirɛ, ɔne bɔne worawora bɔ wafa wali w’anwoteefoɛ wɔ Yerusalem ɔ bahyire me.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

1 Korintofoɛ 16:10

Sɛ Timoteo ba a, ɛ́mɔnea kyɛ ɔnne ɛmɔ ngɔtena wɔ ahunudetelɛ nu ɔ, ɔnate kyɛ ɔyɔ Awurade adwuma kyɛbɔ meyɔ ne ala.

2 Korintofoɛ 1:1

Krataa he fi me, Pɔɔlo, bɔ ɔnate Nyameɛ pɛ so nde Kristo Yesu somafoɛ berɛ. Me ne aliɛmaa Timoteo yeɛ yɛhyerɛle ɔ. Yɛ́fa yɛbrɛ Nyameɛ asɔre bɔ ɔwɔ Korinto, ɔne anwoteefoɛ amukoraa bɔ bɛwɔ Akaia mukoraa ɔ.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Ɛfesofoɛ 1:15

Yiti me koso, ofi mmerɛ bɔ ndele ɛmɔ gyidie wɔ Awurade Yesu nu ɔne anwoteefoɛ amukoraa nwo dɔ bɔ ɛmɔle ye ne,

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

Filipifoɛ 2:19

Me nye la so wɔ Awurade Yesu nu, kyɛ ɔngɔhyɛ biala ngɔsoma Timoteo maa ɔkɔwa ɛmɔ berɛ, na sɛ ɔfa ɛmɔ nwo amaneɛ babɔ me a, ɔkɔma me wora kɔkyekye.

Filipifoɛ 2:5

Ɛ́mɔma adwene bɔ ɔwɔ Kristo Yesu nu ne ala yeɛ ɔ́tena ɛmɔ nu ɔ.

Filipifoɛ 3:12

Nna kyɛ ebiaa me sa anya ahã ye, anaakyɛ mali mu mayie ɔ; na mmom mepere mekɔ me nyunu kyɛbɔ ɔkɔyɛ me deɛ ɔ, kyɛbɔ Kristo Yesu koso wafa me wayɛ ye deɛ ne.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

1 Tɛsalonikafoɛ 1:1

Krataa he fi Pɔɔlo, Silwano ne Timoteo berɛ. Yɛfa yɛbrɛ Baba Nyameɛ ne Awurade Yesu Kristo asɔre bɔ ɔwɔ Tɛsalonika ne. Adom ne asomdwee [bɔ ofi yɛ Baba Nyameɛ ne Awurade Yesu Kristo berɛ] ɔyɛ ɛmɔ deɛ.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

2 Tɛsalonika 1:1

Krataa he fi Pɔɔlo, Silwano ne Timoteo berɛ, na yɛfa yɛbrɛ Tɛsalonika asɔre ne bɔ ɔte yɛ Baba Nyameɛ ne Awurade Yesu Kristo deɛ ne.

2 Tɛsalonika 1:10

Sɔ kyẽa ne, ɔkɔwa ma ye anwoteefoɛ kɔhyɛ ye animnyam, na agyidifoɛ mukoraa anwu ye anwanwa adwuma; ofikyɛ ɛmɔale yɛ adanzeɛ bɔ yɛli yɛhyirele ɛmɔ ne bali.

1 Timoteo 1:2

mefa mebrɛ Timoteo, bɔ ɔte me bɔbɔ mma wɔ gyidie nu ne. Adom, anwumvoinnwunɛ ne asomdwee bɔ ofi yɛ Baba Nyameɛ ne yɛ Awurade Kristo Yesu berɛ ɔyɛ wɔ deɛ.

1 Timoteo 3:8

Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Filemɔn 1:1

Pɔɔlo, Kristo Yesu kukununiɛ, yeɛ aliɛmaa Timoteo, yɛ́fa yɛbrɛ yɛ damvo paa ne yɛ biɛngo adwumayɔlɛniɛ Filemon,

Hebrifoɛ 13:23

Mema ɛmɔte kyɛ baye y’eliɛma Timoteo bafi kuku nu, na sɛ ɔbadwu wa ndɛ de a, mebaasra ɛmɔ a, me ne ye kɔwa.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 2:12

“Kyerɛ kɔma Pɛgamɔm asɔre ne anu abɔfo ne kyɛ, ‘Bɔ otira sɛpɔ nnaennaen ne, ye noa dwirɛ ɛhe:

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 22:9

Na osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ ngɔmhyɛlɛfoɛ, yeɛ bɛ bɔ betira nwomaa he anu dwirɛ nu ne. Sɔne Nyameɛ!”