Ɛsra 9:9 - AHYERƐLƐ KRONGRON

⁹ Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Ɛsra 9:9 Iomraidhean Croise

Ɛsra 2:68

Mmenia bɔ befili nnurehyelɛ nu bɛwale ne, beedwuli AWURADE awuro berɛ wɔ Yerusalem pɛ, mmusua mbanyi ne biemɔ bɔle akyɛdeɛ afɔleɛ kyɛ bɛfa besi Nyameɛ awuro ne besie ye boso.

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Ɛsra 7:8

Nana Atasɛsɛse afoɛ bɔ ɔtɔ so nzoo ne, ye bosome nnu ne anu yeɛ Ɛsra wale Yerusalem ɔ.

Ɛsra 9:10

“O afei yɛ Nyameɛ, ɛhemɔ asi ye, nzikyɛ dwirɛ bieku koraa yeɛ yɛhã ɔ? Yapo wɔ mmeraa dwirɛ

Nehemia 2:17

Yeɛ nga ngyirele bɛ kyɛ, “Ɛmɔanwu edwirɛ bɔ wato yɛ ye: kyɛbɔ Yerusalem wakakyi kurofoen, bɔ ye pambim nemɔ koso bato nu see ɔ. Ɛ́mɔdwɔso maa yɛsa yɛkyekye Yerusalem fasue ne, amaa yɛ nyunu wangɔ so wangua ase.”

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 109:12

Nnɛma ebiala yɛ ye paa, yeɛ nnɛma ebiala nwu ye mma ayisiaafoɛ nemɔ anwumvoin.

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Yesaya 14:3

Na ɔkɔwa kyɛ, kyẽa bɔ AWURADE kɔye wɔ kofi wɔ yealɛ, amaneɛ ne kanga adwuma bɔ bɛhyɛle wɔ maa ɛyɔle ne anu ne,

Yesaya 5:2

Olele ye nwo waen, ɔyeyele so nyɔboɛ ne, oluale bobe mmaa paa wɔ nu, osili abandenden siele eboo n’afia, otuli nu kumaa bɔ okohwi bobe mmaa ne anu kɔyɔ nzaa ɔ, ɔnwondɛle kyɛ bobe ne kosu mmaa paa ɔ, nakoso ye mma bɔ osuli ne te bisii.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yesaya 61:4

Bɛkɔkyekye tete kurofoen nemɔ, bekosisi sua mɔ bɔ badwiri bɛ bagua dada ne, nguro mɔ bɔ babɔ bɛ ne, bekosa bɛkɔkyekye, bɔ bakakyi kurofoen wɔ aworɛ ndoatoasoɛ pee nu ne.

Hesekiel 11:16

Yiti kã kyɛ, ‘AWURADE Nyameɛ nwa nyoo: Ɔwɔ nu kyɛ nzesale bɛ ngɔle maen maen mɔ so dedeede de, yeɛ ndole bɛ mbetene aseɛ mɔ so de, nakoso nde nekaa krongron mema bɛ wɔ mmerɛ kãa bie, wɔ aseɛ mɔ bɔ bɛhɔle so nemɔ aso.

Daniel 9:25

Yiti hyɛ ye nzorɛ ná te ye bo kyɛ, ofi mmerɛ bɔ ahyɛdeɛ ne wale kyɛ bekosa bɛkɔkyekye Yerusalem bɔ ɔkwaadwu mmerɛ bɔ Titireniɛ bɔ bapopa ye ngoo ne kɔwa ne, ɔte afoɛ nzoo. Bɛkɔfa afoɛ nzoo sɔ alaa aburasia ne nyɔ yeɛ bekosa bɛkɔkyekye ye mmorɔnoɛ ne ye fasue ne ɔ, nakoso ɔkɔyɛ amaneɛ mmerɛ.

Hagae 1:9

Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”