Ɛsra 9:8 - AHYERƐLƐ KRONGRON

⁸ Nakoso mmerɛ kãa ye anu de, AWURADE yɛ Nyameɛ walo yɛ. Wama yɛ ngaa ne yanya yɛ ti yadidi nu, na wabɔ yɛ atenaseɛ wɔ ye nekaa krongron berɛ, kyɛ ɔfa kyekye yɛ wora ná ɔma yɛ nwo tɔ yɛ kãa fi nganga tebea bɔ yahɔ nu ne anu.

Ɛsra 9:8 Iomraidhean Croise

2 Ahemvo 19:4

Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Nehemia 9:31

Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

YOB NWOMAA NE 33:30

kyɛ ɔfa de ye kra fi ɛborɔ kumaa nu, amaa ɔnate so ngoa kanea ata ye so.

Edwein 13:3

Ao AWURADE, me Nyameɛ, nea ná ma me mmuayɛɛ! Ma me nwo sande me, nna manna ewue nnaa;

Edwein 13:4

nna me pɔfoɛ wanga kyɛ, “Mali ye so ngonim”, nna mamvi ase amma me pɔfoɛ mɔ banni ahurusi.

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Edwein 34:5

Bɛ bɔ bɛfa bɛ nwo bɛto ye so ne, bɛ nye gye; na bɛ nyunu ngua ase.

Edwein 85:6

Aso engosa ngɔpagya yɛ ko, amaa ɔnate so wɔ maen bali ahurusi wɔ wɔ nu anaa?

Anyandera 29:13

Nikyee ko he ma ehianiɛ ne apoobɔlɛniɛ bɛte pɛ: AWURADE yeɛ ɔma bɛ munyɔ bɛ nye nwu nikye ɔ.

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 14:3

Na ɔkɔwa kyɛ, kyẽa bɔ AWURADE kɔye wɔ kofi wɔ yealɛ, amaneɛ ne kanga adwuma bɔ bɛhyɛle wɔ maa ɛyɔle ne anu ne,

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Yeremia 44:14

amaa ɔnate so, Yudafoɛ ngaa bɔ baatena Misraim aseɛ so ne, bɛ nu biala wannwati anaa wannya ye ti wannidi nu, ná wanza wangɔ Yuda aseɛ bɔ bɛpena kyɛ besa bɛkɔtena so ne aso; ofikyɛ bengosa bɛngɔwa, sana kãa bie bɔ bɛkɔnwati ɔ.”

Hesekiel 14:22

Nakoso mmaa mmienzua ne mmaa mmrasua bɔ bekonya bɛ ti bekodidi nu nen, bɛkɔfa bɛ bekofi nu bekofite. Ɛ́mɔtie, bɛkɔwa ɛmɔ berɛ, na sɛ ɛmɔnwu bɛ suban ne bɛ yɔleɛ a, ye de musue bɔ maprapra magua Yerusalem so, ɔne edwirɛ bɔ mamaa wato ye ne amukoraa, ɛmɔkonya nu aworakyekyerɛ.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Habakuku 3:2

Ao AWURADE, mate wɔ nga, na nzurole. Ao AWURADE, kanyane w’adwuma wɔ mmerɛ ye anu, wɔ mmerɛ ye anu maa benwu ye, na wɔ yaafɛlɛ nu po, nwu anwumvoin.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Sakaria 10:4

Ye nu yeɛ ndweasoɛ nyɔboɛ ne kofi ɔ, ye nu yeɛ pɛmbɛen ne kofi ɔ, ye nu yeɛ koɛhonɛ agyaen ne kofi ɔ, ye nu yeɛ maenbulɛniɛ biala kofi ɔ.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.

1 Samuel 14:27

Nakoso Yonatan de, né onnya ɔttele kyɛ ye baba ata ndaen wagua koɛhonɛfoɛ nemɔ aso ɔ. Yiti ɔfale ye pɔmaa bɔ otira ye ne noa bɔle woɛ ne anu, ɔtafele, na ɔmaa onyane anwoserɛ.

1 Samuel 14:29

Na Yonatan sele kyɛ, “Me baba afa ɛhawo wato maen ye aso. Mvale woɛ he kãa ngane me noa ye, ɛ́mɔnea kyɛbɔ wamaa manya anwoserɛ ɔ.