Ɛsra 9:4 - AHYERƐLƐ KRONGRON

⁴ Bɛ bɔ befili nnurehyelɛ nu bɛwale ne, ɔnate bɛ mvomsoɛ ne ati, mmenia mukoraa bɔ Yisrael Nyameɛ dwirɛ ne mane bɛ nwo dwirili bɛ ne, bɛɛtenatenane me nwo berɛ, na mvale aworabɔlɛ mbofole berɛ toonn maa oodwuli mmerɛ bɔ bɛbɔ nɔsoa afɔleɛ ne ɔ.

Ɛsra 9:4 Iomraidhean Croise

2 Aberɛso Dwirɛ 34:27

mmerɛ bɔ ɛtele ye dwirɛ bɔ ɔhã fale maen he ɔne nu ama nwo ne, ɔnate kyɛ enuni wɔ nwo ná ɛbrɛle wɔ nwo ase wɔ Nyameɛ nyunu, ná abrɛ wɔ nwo ase wɔ me nyunu, asunzua wɔ ndaadeɛ nu, ná asu wɔ me nyunu ne ati, me koso mate bɔ ahã ne; AWURADE noa dwirɛ ɛne.

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Ɛsra 10:9

Na ɛlɛsa ne sone ne, né bɛ bɔ bɛwɔ Yuda ne Benyamin amukoraa baaboa bɛ noa wɔ Yerusalem. Né ɔte kyẽa bɔ ɔtɔ so aburanyɔ wɔ bosome bɔ ɔtɔ so ngona ne anu. Mmenia ne amukoraa bɛtenatenane dwaa ne aso wɔ Nyameɛ awuro ne anyunu berɛ. Na ɔnate sɔ dwirɛ ne ɔne esue piri bɔ né ɔtɔ ne ati, bɛ nwo wosowosole bɛ.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Ɛksadɔso 29:39

Fa boaen akrɔngrɔma ko bɔ afɔleɛ ngyerɛmɔ, ná fa ko ne koso bɔ afɔleɛ nɔsoa.

Ɛksadɔso 29:41

Boaen akrɔngrɔma ko bɔ waha ne, fa bɔ afɔleɛ nɔsoa. Fa aleɛ afɔleɛ ne anonneɛ afɔleɛ ne boka so kyɛ ngyerɛmɔ deɛ ne ala. Maa ɔbo fonafona, na ɔte afɔleɛ bɔ bɛfa see bɛyera ye bɛma AWURADE ɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Daniel 10:2

Sɔ mmerɛ ne, me Daniel, né medi aworabɔlɛ dapɛn nza.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Numeri 25:6

Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.