Ɛsra 9:3 - AHYERƐLƐ KRONGRON

³ Ndele sɔ dwirɛ nen, nzunzuale m’ataadeɛ ne m’ataadeɛ aguasoɛ nu, ndutuli me ti nwiaa ne me kanza nwiaa, na mvale aworabɔlɛ mbofole aseɛnwo berɛ.

Ɛsra 9:3 Iomraidhean Croise

2 Samuel 1:11

Yeɛ Dawide sɔle ye bɔbɔ ye ataadeɛ nu sunzuale nu, na ye mmenia bɔ bɛboka ye so ne amukoraa, besunzuale bɛ deɛ nu sɔ ala.

2 Ahemvo 18:37

Yeɛ Hilkia awa Eliakim bɔ ɔnea ahemvie berɛ ne, ahyerɛlɛniɛ Sebena, yeɛ Asafe awa Yoa bɔ ɔte abakɔsɛm ahyerɛlɛniɛ ne, besunzuale bɛ ndaadeɛ nu, na bɛhɔle Hesekia berɛ bɛɛfale Rabesake ne dwirɛ ne bɛbɔle ye amaneɛ.

Nehemia 1:4

Na ndele sɔ dwirɛ ne nen, ndenane ase nzuni, nnili aworabɔlɛ ngyẽa pee, na nyɛle akɔngyere mmɔle mbaeɛ wɔ nyameɛso Nyameɛ ne nyunu.

Nehemia 13:25

Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

Edwein 119:53

Ɔnate bɔnefoɛ bɔ bɛpo wɔ mmeraa ne ati, m’ahone ahu paa.

Edwein 143:4

Yiti me sunzum aboto wɔ me nu; m’ahone bɔ ɔla me kunu ɔ, ye wora abɔ.

Edwein 66:3

Ɛmɔhã behyire Nyameɛ kyɛ, “Wɔ nnwumaa yɛ nwanwa! Ɔnate wɔ tumi kandinga ne ati, wɔ pɔfoɛ mɔ koto wɔ gya bo.

Yesaya 15:2

Dibɔn awa brasua ne afo ahɔ asɔneyɛɛ sua nemɔ anu kyɛ ɔkwaasu, Moabo bɔ awuye wɔ Nebo ne Medeba, bɛ mukoraa babɔ tikwa, ebiala apoa ye kanza;

Yeremia 36:24

Nakoso ɛhene ne oo, ye somvoɛ mɔ bɔ bɛtele edwirɛ ne amukoraa ne oo, bɛ nu biala ye kunu wande ye, yeɛ banzunzua bɛ ndaadeɛ nu koso.

Yeremia 7:29

Tete wɔ ti nwiaa gyi gua; bɔ awuye wɔ mmokaa pralaa nemɔ aso, ofikyɛ aworɛ ndoatoasoɛ bɔ bahu AWURADE ahone ne, wapo bɛ waye ye sa wafi bɛ bo.’

Hesekiel 3:15

Yeɛ bɛ bɔ bahye bɛ nnure bahɔ bɔ bɛwɔ Tel Abibo, bɔ bɛtete asue Kebare noa ne, mmale bɛ berɛ. Ndenane nekaa bɔ bɛte ne ɛlɛsoo, na me nwo dwirili me.

Hesekiel 7:18

Bɛkɔhera ɛsɛen tena, na ahunundetelɛ kɔtɔ bɛ so. Bɛ mukoraa bɛ nyunu kogua ase, na bɛ mukoraa bɛ ti so kɔpa.

Daniel 4:19

Na Daniel bɔ osa li Beltesasa ne, ye nwo dwirili ye hyɛle kãa, na edwirɛ ne hale ye. Yeɛ ɛhene ne sele kyɛ, “Beltesasa, nnɛma laleɛ ne anaa ye bo hyirelɛ ne ɔha wɔ.” Na Beltesasa buale kyɛ, “Me mene, me ngome a, ahaa laleɛ ne ɔkakyi hɔ bɛ bɔ bekyi wɔ ɔ bɛ so, ná ye bo hyirelɛ ne koso ɔhɔ wɔ pɔfoɛ mɔ so!

Daniel 8:27

Afei me, Daniel, me nwo yɛle me bɛtɛɛ, na me nwo yɛle me yea ngyẽa dɔnn. Afei ndwɔsole, na ndoale ɛhene n’adwuma ne aso; nakoso nyekyire ne mane me nwo dwirili me, ofikyɛ ebiala ande ye bo.

Lewitikɔso 21:5

Nnɛmaa bepiapia bɛ ti nwiaa maa ɔyɛ nguruwa nguruwa, nnɛmaa bepiapia bɛ kanza nwiaa bɛyɛ ye basaa, yeɛ nnɛmaa bɛfa nikyee bɛtete bɛ nwonaen.

Mika 1:16

Tete wɔ ti ná bɔ tikwa, ɔnate wɔ mma bɔ bɛmaa enya anika ne ati; ma wɔ tikwa ne ɔyɛ kyɛ ɛpɛtɛ deɛ, ofikyɛ bɛkɔhye bɛ nnure bekofi wɔ nwo bɛkɔhɔ.

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.