Ɛsra 9:2 - AHYERƐLƐ KRONGRON

² Ofikyɛ bagyigya bɛ mma mmrasua nemɔ bie, yeɛ bagyigya bie koso bama bɛ mma mmienzua mɔ. Ɔnate sɔ ati, mmenia krongron mɔ ne aseɛ nemɔ so ama bali afra. Na mbɔtam mbanyi ne mbanyi bɔ bɛla yɛ noa nemɔ po yeɛ bapɛ sɔ esaa tɛɛ ne bato berɛ ɔ.”

Ɛsra 9:2 Iomraidhean Croise

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

Ɛsra 10:2

Na Elam bosoniɛ Yehiel ɔwa Sekania sele Ɛsra kyɛ, “Yanni nahorɛ yamma yɛ Nyameɛ, kyɛ yagyigya Amaenmaensofoɛ mmrasua bɔ bɛwɔ aseɛ ne aso ɔ. Nakoso ɛhe asi ye po, anyelasoɛ wɔ berɛ ma Yisrael.

Ɛsra 9:12

Yiti nnɛma ɛmɔfa ɛmɔ mma mmrasua bɛma bɛ mma mmienzua mɔ begya, yeɛ nnɛma ɛmɔgyigya bɛ mma mmrasua bɛma ɛmɔ mma mmienzua. Nnɛma ɛmɔpena bɛ ne asomdwee anaa paa, amaa ɔnate so ɛmɔ nwo ayɛ se, ná ɛmɔali aseɛ ne aso nningyein paa, ná ɛmɔafa bayakyi ɛmɔ mma mɔ maa wayɛ agyapadeɛ afebɔɔ.’

Ɛsra 9:14

Aso odi kyɛ yɛbu wɔ mmeraa dwirɛ ne aso bieku, bɔ yɛne mmenia bɔ bɛbɔ sɔ akyiwadeɛ bra ne yagyigya yɛ nwo ɔ? Aso ɛngɔfɛ yɛ so yaa toonn kɔpem kyɛ ekohũhũ yɛ bɔ yɛ nu biala ngɔha anaa ongonya ye ti ngodidi nu ɔ?

Nehemia 13:17

Yiti ngane Yuda atitire nemɔ nyunu kyɛ, “Nzikyɛ musue yeɛ ɛmɔbɔ ye? Ɛmɔgua afofikyẽa ne anwo fiɛ?

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Ɛksadɔso 19:6

Ɛmɔkɔyɛ m’asɔfo ahennie maen ɔne maen krongron. Na edwirɛ bɔ ɔsɛ kyɛ ɛkã kyire Yisraelfoɛ hɔ ɛne.”

Ɛksadɔso 22:31

“Ɛmɔkɔyɛ me mmenia krongron, yiti nnɛma ɛmɔdi naen biala bɔ kaka bie ahu ye wɔ eburo ɔ; ɛ́mɔgyi bégua bɛ́ma ngyea.

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Lewitikɔso 21:15

amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”

Malaki 2:11

Yuda anni nahorɛ, na bɛbɔ akyiwadeɛ bra wɔ Yisrael ne Yerusalem; ofikyɛ AWURADE nekaa krongron bɔ ɔla ye ahone nwo ne, Yuda agua ye nwo fiɛ, na wagya bosoen ɛwɔfoɛ bie ɔwa brasua.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

1 Korintofoɛ 7:14

Ofikyɛ wiaseniɛ huɛ ne, ɔnate ɔye so yeɛ ye nwo te ɔ; sɔ ala koso yeɛ wiaseniɛ yeɛ ne, ɔnate ohu so yeɛ ye nwo te ɔ. Na sɛ wamma ye sɔ de a, ahaa ɛmɔ mma mɔ nwo kogua fiɛ, nakoso kyɛbɔ ɔte ye de, bɛ nwo te wɔ Nyameɛ nyunu.

2 Korintofoɛ 6:14

Nnɛma ɛmɔfa bɛ nwo bɛbɔ mmenia bɔ benne benni ɔ, ofikyɛ abiɛngoɛfalɛ beni yeɛ ɔla tenenee ne amumuyɛɛ b’afia ɔ? Anaakyɛ abiɛngoɛfalɛ beni yeɛ ɔla kanea ne awosii b’afia ɔ?

Deuteronomi 14:2

Ofikyɛ ɛte maen krongron ma AWURADE wɔ Nyameɛ, na AWURADE aneanea nu waye wɔ wafi aseɛ so mmenia mukoraati nu kyɛ ɛyɛ ye bɔbɔ ye maen.

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,