Ɛsra 9:11 - AHYERƐLƐ KRONGRON

¹¹ bɔ ɛnate wɔ somvoɛ mɔ so ɛhyɛle kyɛ, ‘Aseɛ bɔ ɛmɔkwaafa bɛtena so ne, ɔte aseɛ bɔ so ama nemɔ bafa bɛ bra fiɛ ne b’akyiwadeɛ yɔleɛ bahã ye ɔ. Bafa bɛ yɔleɛ fiɛ bayi ye tɛkyɛ fi ye ti kɔka ye ti.

Ɛsra 9:11 Iomraidhean Croise

2 Ahemvo 21:16

Asa koso, Manase hane mogya bɔ odi be ɔ pee guale, kɔpem kyɛ ɔhane mogya guale Yerusalem nekaa biala ɔ. Asora bɔne bɔ ɔhwehwene Yuda hɔle nu maa ɔnate so bɛyɔle bɔ ɔte bɔne wɔ AWURADE nyunu ne.

2 Aberɛso Dwirɛ 33:2

Ɔyɔle bɔ ɔte bɔne wɔ AWURADE nyunu ɔ. Maen maen mɔ bɔ AWURADE foane bɛ fili Yisraelfoɛ nyunu ne, akyiwadeɛ nningyein bɔ bɛyɔle ne, ye koso ɔyɔle bie.

Ɛsra 6:21

Yisraelfoɛ bɔ befili nnurehyelɛ nu bɛwale ne, bɛ ne ebiala bɔ ɔwɔ maen ne anu, bɔ waaboka Yisraelfoɛ so ɔne bɛ bate bɛ nwo bafi Amaenmaensofoɛ yɔleɛ fiɛ nwo, kyɛ bɛkɔso AWURADE Yisrael Nyameɛ ne, bɛ yeɛ belili Abɔtra boaen ne ɔ.

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Ɛsra 9:10

“O afei yɛ Nyameɛ, ɛhemɔ asi ye, nzikyɛ dwirɛ bieku koraa yeɛ yɛhã ɔ? Yapo wɔ mmeraa dwirɛ

Yeremia 26:5

ná ɛmɔandie me somvoɛ ngɔmhyɛlɛfoɛ nemɔ bɔ ngɔle so nzomane bɛ ɛmɔ berɛ ne bɛ noa dwirɛ, bɔ yeɛ ɛmɔandie ne,

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Deuteronomi 18:12

Ofikyɛ ebiala bɔ ɔyɔ sɔ nningyein nen, wayɛ ye nwo akyiwadeɛ wama AWURADE. Na ɔnate sɔ akyiwadeɛ yɔleɛ nemɔ ati yeɛ AWURADE wɔ Nyameɛ ɔ́foa bɛ fi wɔ nyunu ɔ.