Ɛsra 9:1 - AHYERƐLƐ KRONGRON

¹ Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Ɛsra 9:1 Iomraidhean Croise

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

1 Ahemvo 11:1

Nana Solomon hurole maen maen foforɛ mɔ so mmrasua pee bokale Faro awa brasua ne aso. Mmrasua nemɔ te Moabofoɛ, Amonfoɛ, Edomfoɛ, Sidonfoɛ ne Hitifoɛ.

2 Aberɛso Dwirɛ 33:2

Ɔyɔle bɔ ɔte bɔne wɔ AWURADE nyunu ɔ. Maen maen mɔ bɔ AWURADE foane bɛ fili Yisraelfoɛ nyunu ne, akyiwadeɛ nningyein bɔ bɛyɔle ne, ye koso ɔyɔle bie.

2 Aberɛso Dwirɛ 8:7

Hitifoɛ, Amorifoɛ, Perisifoɛ, Hiwifoɛ ne Yebusifoɛ ngaa bɔ bɛhale ne, bɔ nna Yisraelfoɛ ahɔ ɔ ne,

Ɛsra 10:2

Na Elam bosoniɛ Yehiel ɔwa Sekania sele Ɛsra kyɛ, “Yanni nahorɛ yamma yɛ Nyameɛ, kyɛ yagyigya Amaenmaensofoɛ mmrasua bɔ bɛwɔ aseɛ ne aso ɔ. Nakoso ɛhe asi ye po, anyelasoɛ wɔ berɛ ma Yisrael.

Ɛsra 10:8

kyɛ bama bɛ ɛlɛsa, na ebiala bɔ wamma ne, mbɔtam mbanyi ne mbanyi nemɔ bahyɛ mmeraa kyɛ bele ye nwo nningyein amu, ná bɛpɛ ye asue befi mmenia bɔ bafi nnurehyelɛ nu bawa ne anu.

Nehemia 13:23

Sɔ mmerɛ ne anu, nwuni Yudafoɛ bɔ bagyigya Asedɔde, Amon ne Moabo mmrasua ɔ.

Nehemia 4:3

Né Amonniɛ Tobia gyi Sanbalate nwo berɛ, na osele kyɛ, “Nyɔboɛ fasue bɔ besi ye, sɛ safuboa po fo so a, okodwiri kogua ase!”

Nehemia 4:7

Nakoso Sanbalate ne Tobia yeɛ Arabofoɛ, Amonfoɛ ne Asedɔdefoɛ bɛtele kyɛ Yerusalem fasue ne silɛ ɔkɔ so, ná yahyɛ ye bo yɛtuatua nu ndokuro nen, bɛfɛle yaa paa,

Nehemia 9:2

Na Yisraelfoɛ ne, bɛhwene bɛ nwo befili amanvrafoɛ amukoraa anwo, na begyinane bɛ gya so bɛhane bɛ bɔne ne bɛ nana mɔ b’amumuyɛɛ.

Edwein 106:35

na mmom bɛ ne bosoensolɛfoɛ nemɔ bɛtenane bɛbɔle nu, na besuane bɛ yɔleɛ nemɔ bɛyɔle bie.

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Yeremia 26:10

Na Yuda mbanyi tele sɔ dwirɛ nemɔ nen, befili ahemvie berɛ bɛwale AWURADE awuro berɛ, na bɛtenatenane AWURADE awuro Anoa Foforɛ ne anu berɛ.

Yeremia 26:16

Yeɛ mbanyi nemɔ ne maen ne amukoraa besele asɔfo nemɔ ne ngɔmhyɛlɛfoɛ nemɔ kyɛ, “Biaa he, ɔmvata kyɛ beku ye ɔ, ofikyɛ AWURADE yɛ Nyameɛ dumaa nu yeɛ ogyi bɔ wadwudwo wahyire yɛ ɔ.”

Lewitikɔso 18:3

Misraim aseɛ bɔ né ɛmɔte so ne, nnɛma ɛmɔyɔ bɛ yɔleɛ ne bie, yeɛ Kanaan aseɛ bɔ méfa ɛmɔ mékɔ so ne, bɛ yɔleɛ ne, nnɛma ɛmɔyɔ bie. Nnɛma ɛmɔdi b’ahyɛdeɛ so.

Malaki 2:11

Yuda anni nahorɛ, na bɛbɔ akyiwadeɛ bra wɔ Yisrael ne Yerusalem; ofikyɛ AWURADE nekaa krongron bɔ ɔla ye ahone nwo ne, Yuda agua ye nwo fiɛ, na wagya bosoen ɛwɔfoɛ bie ɔwa brasua.

Numeri 23:9

Ngyi nyɔbotaen nemɔ ti afia yeɛ menwu bɛ ɔ: Ngyi mmokaa nemɔ aso yeɛ me nye tua bɛ ɔ. Ɛhemɔ te mmenia bɔ bɛ ngome bɛte ɔ, na bɛnga bɛ nwo bɛmvora maen maen ngaa nemɔ!

Numeri 25:6

Berɛ ne ala, bɔ begu so besu wɔ ɛtena sua atenaleɛ anoa nu berɛ ne, Yisraelniɛ bienzua bie ɔɔfale Midianniɛ braa bie oowurale ye ɛtena sua nu. Né Mose ne Yisrael maen ne amukoraa bɛ nye tua ye.

Deuteronomi 18:9

“Sɛ edwu aseɛ bɔ AWURADE wɔ Nyameɛ ɔ́fa ma wɔ ne aso a, nnɛsua kyɛ ɛkɔyɔ maen maen nemɔ b’akyiwadeɛ yɔleɛ ne bie.

Deuteronomi 23:8

Ofi b’aworɛ ndoatoasoɛ bɔ ɔtɔ so nza ne aso de, bɛ bosofoɛ kora ba AWURADE badwa nu.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,