Ɛsra 8:36 - AHYERƐLƐ KRONGRON

³⁶ Asa koso, Nana Atasɛsɛse mmeraa bɔ ɔhyerɛle ye krataa nu ne, bɛye bɛmane ye mbɔtam mbanyi mɔ ne amrado mɔ bɔ begyi ye gya nu wɔ asue Yufreti si dɔ mbɔtam ne. Na bɛ koso bɛfale bɛ mmokalɛ bɛtale maen ne ne Nyameɛ awuro ne si.

Ɛsra 8:36 Iomraidhean Croise

Ɛsra 6:13

Afei mmuayɛɛ bɔ Nana Dario maa bɛɛfa bɛmane asue Yufreti si mbɔtam amrado Tatenae, ɔne Seta Bosenae ne bɛ mmango mɔ ne, belili sɔ mmeraa ne aso pɛpɛɛpɛ, kyɛbɔ ɔhyɛle ne ala.

Nehemia 2:7

Yeɛ nzele Nana Atasɛsɛse kyɛ, “Nana, sɛ ɛpene so a, maa bɛhyerɛ ngrataa maa ngɔmva mma Asue si dɔ mbɔtam amrado nemɔ, maa bɛma me ate maa mbɛ nu ngɔ kɔpem kyɛ ngodwu Yuda ɔ.

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Ɛseta 9:3

Manzini nemɔ anu mbanyi ne mbɔtam mbanyi ne amrado mɔ ne ahemvie mbanyi gyinane Yudafoɛ si, ofikyɛ Modekae nwo suronyi tɔle bɛ so.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Asomafoɛ 18:27

Na Apolo yɛle ye adwene kyɛ ɔkɔ Akaia nen, aliɛmaa nemɔ bɛhyɛle ye nguraen, na bɛhyerɛle krataa bɛɛmane asuafoɛ nemɔ kyɛ bele ye bɛto nu nyemene so. Oodwuli ne, ɔbokale bɛ bɔ bɛnate adom so bayɛ agyidifoɛ ne paa.

Nyekyire 12:16

Nakoso aseɛ bokale braa ne; na aseɛ bukyele ye noa nu, na ɔmene asue bɔ sasrabɔnzam ne pu fili ye noa nu ne.