Ɛsra 8:31 - AHYERƐLƐ KRONGRON

³¹ Bosome bɔ oli moa ne, ye kyẽa bɔ ɔtɔ so buru ne nyɔ ne, yeɛ yɛtuli yɛ bo yɛfili asue Ahawa noa kyɛ yɛkɔ Yerusalem ɔ. Yɛ Nyameɛ gyinane yɛ si, na ɔpepɛ lele yɛ fili pɔfoɛ mɔ ne mmenia bɔ bɛɛtetɛle yɛ atunu nemɔ sa nu.

Ɛsra 8:31 Iomraidhean Croise

Ɛsra 7:28

ofikyɛ walo me wamaa manya animnyam wɔ Nana Atasɛsɛse ne ye foɛtulɛfoɛ ne ye mbanyi amukoraa bɛ nyunu. AWURADE me Nyameɛ lole me gyinane me si, na ɛhe hyɛle me nguraen. Na mmoaboale mbanyi bɔ bɛlela Yisrael noa maa yɛsa yɛwale.”

Ɛsra 7:9

Kyẽa bɔ oli moa wɔ bosome bɔ oli moa ne anu yeɛ otuli ye bo fili Babilɔn ɔ, na kyẽa bɔ oli moa wɔ bosome nnu ne anu yeɛ oodwuli Yerusalem ɔ, ofikyɛ ye Nyameɛ nwuni ye anwumvoin gyinane ye si.

Ɛsra 8:15

Mmoaboale bɛ noa wɔ asue bɔ ɔtengyɛ kɔ Ahawa ne anoa, na yɛkyekyele asikyeleɛ yɛlili berɛ ɛlɛsa. Nneaneane mmenia nemɔ ne asɔfo nemɔ nu, nakoso mannwu Lewi bosoniɛ biala berɛ.

Yesaya 66:14

Ɛmɔnwu ye sɔ a, ɛmɔ nye kɔgye“‘, ɛmɔ bowue nu komia kyɛ ndire frɔmfrɔm, mmenia konwu kyɛ AWURADE tumi gyi ye somvoɛ mɔ si, na ye ahone hu ye pɔfoɛ mɔ so.

Asomafoɛ 25:3

na bɛsrɛle ye kyɛ ɔlo bɛ ná ɔsoma ma bɛfa Pɔɔlo bɛbra Yerusalem; ɔnate kyɛ né babɔ porɛ kyɛ bɛkɔtɛ ye atunu bekohu ye.

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ: