Ɛsra 8:30 - AHYERƐLƐ KRONGRON

³⁰ Na asɔfo nemɔ bɛ ne Lewifoɛ nemɔ belele ɛdwetɛ, sikaa kɔkorɛ ɔne nningyein bɔ ngarili mane bɛ ne, kyɛ bɛkɔfa bɛkɔwa yɛ Nyameɛ awuro wɔ Yerusalem.

Ɛsra 8:30 Iomraidhean Croise

Ɛsra 1:9

Ye nwo ngondaa ne ɛhe: ndalie bɔ bafa sikaa kɔkorɛ bayɔ ɔ aburasa, ndalie bɔ bafa ɛdwetɛ bayɔ ɔ apee ko, see kulie aburanyɔ ne ngona;

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Ɛsra 8:33

Ye ɛlɛnna ne aso, yɛkarili ɛdwetɛ ne, sikaa kɔkorɛ ne, ɔne nningyein ne wɔ yɛ Nyameɛ awuro berɛ, na yɛfa yɛwurale Yuria awa ɔsɔfo Meremote sa. Né Finehase awa Eleasa boka ye so wɔ berɛ. Né Yesua awa Yosabade ne Binuyi awa Noadia bɔ bɛte Lewifoɛ ne koso bɛboka bɛ so wɔ berɛ.

Edwein 122:9

Ɔnate AWURADE yɛ Nyameɛ ye awuro ne ati, ngɔpena wɔ yeeyɛlɛ.

Yesaya 60:13

“Lebanon animnyam kɔwa wɔ berɛ, bɔ ɔte ye ɛframmire, pataboɛ ne ammire ne, bɔ ɛkɔfa kosiesie me nekaa krongron ne ɔ, na ngɔhyɛ nekaa bɔ me gya tia ne animnyam.