Ɛsra 8:23 - AHYERƐLƐ KRONGRON

²³ Yiti yɛyɛle akɔngyere yɛfale sɔ dwirɛ ne yɛtole yɛ Nyameɛ nyunu, na otiele yɛ mbaeɛ ne.

Ɛsra 8:23 Iomraidhean Croise

Gyenesise 25:21

Yisake fale ye mbaeɛ tole AWURADE nyunu mane ɔye, ofikyɛ né ɔye ne te mmotaen. AWURADE tiele ye mbaeɛ, na ɔye Rebɛka nwonzɛle.

2 Ahemvo 13:4

Nakoso Yehoahase sũ frɛle AWURADE, na AWURADE tiele ye, ofikyɛ AWURADE nwuni kyɛbɔ Siria hene osi teetee Yisraelfoɛ ɔ.

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

Ɛsra 8:31

Bosome bɔ oli moa ne, ye kyẽa bɔ ɔtɔ so buru ne nyɔ ne, yeɛ yɛtuli yɛ bo yɛfili asue Ahawa noa kyɛ yɛkɔ Yerusalem ɔ. Yɛ Nyameɛ gyinane yɛ si, na ɔpepɛ lele yɛ fili pɔfoɛ mɔ ne mmenia bɔ bɛɛtetɛle yɛ atunu nemɔ sa nu.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Anyandera 3:5

Fa wɔ wora amukoraa wura AWURADE nu, na nnɛfa wɔ nwo to wɔ bɔbɔ wɔ nworɛ so.

Yesaya 19:22

AWURADE kopura Misraim, okopura ye de, nakoso ɔkɔsa ye anwonyerɛ. Bekosa bɛkɔwa AWURADE berɛ, okotie bɛ sufrɛ, na ɔkɔsa bɛ anwonyerɛ.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Deuteronomi 4:29

Na dɔ yeɛ ɛmɔkɔpena AWURADE ɛmɔ Nyameɛ si atee ɔ. Na sɛ ɛmɔfa ɛmɔ ahone amukoraati ne ɛmɔ kra amukoraati bɛpena ye si atee a, ɛmɔkonwu ye.