Ɛsra 8:22 - AHYERƐLƐ KRONGRON

²² Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Ɛsra 8:22 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

2 Aberɛso Dwirɛ 16:9

Ofikyɛ AWURADE nye bɔ mborɔkaa wɔ aseɛ ye aso amukoraa, kyɛ bɛ bɔ bedi nahorɛ bɛma ye ne, okogyina bɛ si. Bɔ ayɔ ye, ali ngwaseasɛm. Yiti ofi sɔ mmerɛ ye bɔ ɔkɔ ɔ, koɛ kɔtaataa wɔ.”

Ɛsra 7:28

ofikyɛ walo me wamaa manya animnyam wɔ Nana Atasɛsɛse ne ye foɛtulɛfoɛ ne ye mbanyi amukoraa bɛ nyunu. AWURADE me Nyameɛ lole me gyinane me si, na ɛhe hyɛle me nguraen. Na mmoaboale mbanyi bɔ bɛlela Yisrael noa maa yɛsa yɛwale.”

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Ɛsra 7:9

Kyẽa bɔ oli moa wɔ bosome bɔ oli moa ne anu yeɛ otuli ye bo fili Babilɔn ɔ, na kyẽa bɔ oli moa wɔ bosome nnu ne anu yeɛ oodwuli Yerusalem ɔ, ofikyɛ ye Nyameɛ nwuni ye anwumvoin gyinane ye si.

Ɛsra 8:31

Bosome bɔ oli moa ne, ye kyẽa bɔ ɔtɔ so buru ne nyɔ ne, yeɛ yɛtuli yɛ bo yɛfili asue Ahawa noa kyɛ yɛkɔ Yerusalem ɔ. Yɛ Nyameɛ gyinane yɛ si, na ɔpepɛ lele yɛ fili pɔfoɛ mɔ ne mmenia bɔ bɛɛtetɛle yɛ atunu nemɔ sa nu.

Nehemia 2:9

Yeɛ amrado mɔ bɔ bɛnea asue ne asi dɔ mbɔtam nemɔ aso ne, ngondwuli bɛ berɛ, na mvale Nana ngrataa nemɔ mmane bɛ. Né Nana Atasɛsɛse watu koɛhonɛfoɛ mbanyi ne pɔngɔhanɛfoɛ kyɛ bɛboka me so bɛ ne me bra.

Edwein 20:8

Bɛ de, besoti befifi ase, nakoso yɛ de, yɛdwɔso yɛgyina berɛ kyirebeinn.

Edwein 34:22

AWURADE de ye somvoɛ mɔ ngoa, na ebiala nne berɛ bɔ ɔkɔɔfea ye nu, bɔ ongoyie ye yé ɔ.

Edwein 90:11

Nwa yeɛ ɔse wɔ ɛyaafɛlɛ ne noa hyerɛ ɔ? W’ahonehulɛ ne, ɔne esurolɛ bɔ odi kyɛ besuro wɔ ne, bɛte pɛ.

Awuye 3:25

AWURADE te paa ma bɛ bɔ bɛ nye la ye ate ɔ, ɔte paa ma ɛkra bɔ ɔpena ye si atee ɔ.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 9:15

Nakoso mmmisale ɛmɔ asɛdeɛ he nwo hwee; yeɛ mengyerɛ krataa he memmrɛ ɛmɔ kyɛ ɛmɔyɔ sɔ asɛdeɛ ne bɛma me. Ofikyɛ, kyɛ ebie kɔma me nwo hoahoalɛ kɔyɛ mbaen de, nzaade maa nwu.

2 Korintofoɛ 7:14

Na sɛ mvale ɛmɔ nhoahoale me nwo ngyirele ye a, ɛmɔamma me nyunu angua ase. Na kyɛbɔ edwirɛ biala bɔ yɛhã yɛhyirele ɛmɔ te nahorɛ nen, sɔ ala yeɛ ɛmɔ nwo bɔ yɛhoahoale yɛhyirele Tito ne koso ayɛ nahorɛ ɔ.

Hebrifoɛ 10:38

Na teneneeniɛ de, ɔnate ye gyidie so yeɛ okonya ngoa ɔ; nakoso sɛ osa ye si de a, me kra nye ngɔgye ye nwo.”

Yosua 22:16

“AWURADE mmenia ne amukoraa nwa nyoo: Ɔwale ye sɛ, bɔ ɛmɔayɔ musue nikyee he batia Yisrael Nyameɛ, bɔ ɛnɛ ye de ɛmɔayakyi AWURADE si lilɛ ɔ; bɔ ɛnɛ ye de ɛmɔasi ɛmɔ bɔbɔ b’afɔleɛ bokyea bafa bayɛ AWURADE nwo lɔen ɔ?

Yosua 23:16

AWURADE ɛmɔ Nyameɛ apam bɔ ɔhyehyɛ mane ɛmɔ ne, sɛ ɛmɔbu so, ná ɛmɔkɔso nyameɛ foforɛ biemɔ, ná ɛmɔkoto bɛ a, ye de AWURADE kɔfɛ ɛmɔ so yaa piri paa, na ɛmɔkowuwu ndɛndɛ bekofi aseɛ paa bɔ wafa wama ɛmɔ ne aso.”

1 Petro 3:12

Ofikyɛ Awurade nye wɔ teneneefoɛ so, na ɔyɛ asoɛ ma bɛ mbaeɛ; nakoso bɛ bɔ bɛyɔ bɔne de, Awurade nye sa bɛ.