Ɛsra 8:21 - AHYERƐLƐ KRONGRON

²¹ Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Ɛsra 8:21 Iomraidhean Croise

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

2 Aberɛso Dwirɛ 20:4

Yudafoɛ bɔle dwaa kyɛ besu bɛfrɛ AWURADE, na befifili Yuda nguro nemɔ anu bɛwale kyɛ bɛbaasu bɛfrɛ AWURADE.

Ɛsra 8:15

Mmoaboale bɛ noa wɔ asue bɔ ɔtengyɛ kɔ Ahawa ne anoa, na yɛkyekyele asikyeleɛ yɛlili berɛ ɛlɛsa. Nneaneane mmenia nemɔ ne asɔfo nemɔ nu, nakoso mannwu Lewi bosoniɛ biala berɛ.

Ɛsra 8:31

Bosome bɔ oli moa ne, ye kyẽa bɔ ɔtɔ so buru ne nyɔ ne, yeɛ yɛtuli yɛ bo yɛfili asue Ahawa noa kyɛ yɛkɔ Yerusalem ɔ. Yɛ Nyameɛ gyinane yɛ si, na ɔpepɛ lele yɛ fili pɔfoɛ mɔ ne mmenia bɔ bɛɛtetɛle yɛ atunu nemɔ sa nu.

Nehemia 9:1

Sɔ bosome ne ala, ye kyẽa bɔ ɔtɔ so aburanyɔ ne nna ne aso, Yisrael maen bɔle dwaa bɛyɔle akɔngyere. Bɛherale ɛsɛen tena bɛfale mbaen beguale bɛ ti so.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Edwein 5:8

Ao AWURADE, ɔnate me pɔfoɛ mɔ ati, fa wɔ tenenee ne kyire me atee; ma w’atee ne ɔla me nyunu turoloo.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 8:2

Ɔnate wɔ pɔfoɛ mɔ ti, yeɛ kyɛbɔ ɔkɔyɛ bɔ ɛkɔhã pɔfoɛ ne ne wereɛtɔlɛniɛ ne bɛ noa kɔto nu ne ati, nnɔma ne ngwadaa mmaa mmaa bɛ noa, yeɛ ɛfa so ma mmenia te w’animnyam nwo dwirɛ ɔ.

Anyandera 3:6

Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 49:10

Ɛhɔen anaa nzuhɔen ngohũ bɛ, mvrama hyerɛhyerɛ ne eyia ngɔbɔ bɛ, ofikyɛ, bɔ onwu bɛ anwumvoin ne, ɔkɔyɛ bɛ taataa, na mbombonzue nwo yeɛ okoli bɛ nyunu kɔfa bɛ kɔhɔ ɔ.

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Yesaya 58:5

Aso akɔngyere bɔ ɔsɔ me nye ɛhe, kyẽa bɔ sona brɛ ye kra ase ne anaa? Aso akɔngyere okyire bɛ ti ase bɔ bɛbɔ ye kyɛ ngyɛngyɛma, ɔne kyɛ ɛkɔtrɛtrɛ ɛsɛen tena ne nzoen nu ɛkɔla so ɔ? Eh, aso ɛhe yeɛ ɛfrɛ ye akɔngyere ɔ, ɔne kyẽa bɔ ɔsɔ AWURADE nye ne anaa?

Yeremia 10:23

Ao AWURADE, mese kyɛ kuro sona ye asetena nu dwirɛ, ɔnne ye bɔbɔ ye sa nu; kyɛ kuro sona biala ye asetena nu, olle ye nwo.

Yeremia 42:3

amaa ɔnate so AWURADE wɔ Nyameɛ wahyire yɛ atee bɔ yɛ́fa so ɔ, ɔne nikye horɛ bɔ yɛ́yɔ ɔ.”

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:31

Ɔte afofikyẽa bɔ odi mu paa ma ɛmɔ ɔ. Odi kyɛ ɛmɔkye ɛhɔen; ɔte ahyɛdeɛ afebɔɔ.

Lewitikɔso 23:29

Ebiala bɔ wangye hɔen sɔ kyẽa ne amukoraa ne, odi kyɛ bɛpɛ ye asue befi maen ne anu.

Yona 3:5

Yeɛ Ninewefoɛ belele Nyameɛ dwirɛ ne belili. Bɛfa bɛtole dwaa kyɛ odi kyɛ ebiala obua da, na bɛherale ɛsɛen tena, ofi atitirefoɛ mɔ so bɔ ɔkwaadwu kwahweabaa mɔ so.

Yona 3:7

Afei ɔmaa bɛbɔle ye dawure bɛfa bɛtole dwaa wɔ Ninewe kyɛ, “Nana ne ye mbanyi mɔ bahyɛ mmeraa kyɛ, Nnɛma kuro sona anaa kaka, nandwie anaa boaen biala ɔfa nikye fee kã ye noa. Onni kyɛ bedidi, anaa bɛno nzue.

Numeri 14:3

Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

Numeri 14:31

Na ɛmɔ mma mmaa mmaa bɔ ɛmɔnwa bɛkɔhye bɛ nnure ne, ngɔfa bɛ ngɔhɔ aseɛ ne aso maa bekonwu aseɛ bɔ ɛmɔato ye nwo ne.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.