Ɛsra 8:17 - AHYERƐLƐ KRONGRON

¹⁷ Na Yido bɔ ɔte panyi wɔ Kasifia ne, nzomane bɛ maa bɛhɔle ye berɛ. Mvale ngraa mane bɛ kyɛ beese Yido ne oliɛma mɔ asɔneyɛɛ sua nu somvoɛ nemɔ bɔ bɛwɔ Kasifia ne kyɛ, asɔfo mɔ bɔ bɛkɔyɔ ɛsɔnenɛ adwuma wɔ Nyameɛ awuro ne, bɛma bɛbra yɛ wa.

Ɛsra 8:17 Iomraidhean Croise

2 Samuel 14:19

Yeɛ Nana Dawide bisale ye kyɛ, “Sɔ dwirɛ he, aso nna Yoabo yeɛ wapesa wawura wɔ ɔ?” Na braa ne buale kyɛ, “Nana, me mene, aha ato me deɛ ne aso. Bɔ aha ne te nahorɛ turoloo. Amba, wɔ somvoɛ Yoabo yeɛ ohyirele me kyɛ nyɔ sɔ ɔ. Ye yeɛ ɔfale edwirɛ he amukoraa tuale w’afaneɛ noa ɔ.

2 Samuel 14:3

Afei kɔ Nana Dawide berɛ kɔha edwirɛ bɔ mebaaha mekyire wɔ ne kyire ye.” Na Yoabo fale edwirɛ ne tuale braa ne noa.

1 Aberɛso Dwirɛ 9:2

Bɛ bɔ belili moa besa bɛwale bɛ kuro bɛɛtenane b’aseɛ so ne, bɛte Yisraelfoɛ nemɔ bie, yeɛ afei asɔfo, Lewifoɛ yeɛ asɔneyɛɛ sua nu somvoɛ mɔ.

Ɛsra 2:43

Asɔneyɛɛ sua nu somvoɛ mɔ: Bɛte mmenia hemɔ bɛ boso ama: Siha, Hasufa, Tabayote,

Ɛsra 2:58

Asɔneyɛɛ sua nu somvoɛ amukoraa, bɛ ne Solomon somvoɛ nemɔ bɛ boso ama mɔ, bɛte ɛyaa nza aburahona ne nyɔ.

Ɛsra 7:7

Nana Atasɛsɛse lili hene ne, ye afoɛ bɔ ɔtɔ so nzoo ne anu, Yisraelfoɛ nemɔ bie, bɛ ne asɔfo, Lewifoɛ, edweintolɛfoɛ, anoa awɛmvoɛ ne asɔneyɛɛ sua nu somvoɛ mɔ bɛ koso besa bɛwale Yerusalem.

Ɛsra 8:16

Yiti nzomane maa bɛɛfrɛle mbanyi Eliesa, Ariɛl, Semaya, Elnatan, Yaribo, Elnatan, Natan, Sakaria ne Mesulam, yeɛ akyerɛkyerɛfoɛ Yoaribo ne Elnatan.

Ɛksadɔso 4:15

Ka edwirɛ ne kyire ye, ná fa edwirɛ ne tua ye noa; na ngɔmaa ɛne ye ɛmɔ noa kodwu dwaa nu, ná mahyire ɛmɔ bɔ ɛmɔhã ɔ.

Yeremia 1:9

Afei, AWURADE tengyɛle ye sa fa hane me noa. Na AWURADE sele me kyɛ, Tie, mafa me dwirɛ matua wɔ noa.

Yeremia 15:19

Yiti bɔ AWURADE kã ɛhe: “Sɛ esa wɔ si ɛba a, ngosa ngole wɔ, na ekoogyina me nyunu. Sɛ ɛkã edwirɛ bɔ odi mu, ná angekã edwirɛ mbaen mbaen a, ye de, ɛkɔyɛ kyɛ me kyeame. Bɛ yeɛ bekosa bɛkɔwa wɔ berɛ ɔ, nna wɔ yeɛ ɛkɔhɔ bɛ dɔ ɔ.

Numeri 18:6

Me yeɛ maneanea Yisraelfoɛ nu maye ɛmɔ aliɛma mɔ Lewifoɛ ɔ. Bɛte akyɛdeɛ bɛma ɛmɔ, bɔ me AWURADE matu bɛ masie berɛ mama me nwo, kyɛ bɛyɔ ɛtena sua atenaleɛ ne anu adwuma ɔ.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Tito 1:5

Na ɛhe ati yeɛ nyakyili wɔ wɔ Krete ɔ, kyɛ ɛ́nea toto nningyein bɔ waha ne pɛpɛɛpɛ, ná ɛyeye mbanyi mɔ wɔ kuro biala so, kyɛbɔ ngane kyɛ ɛyɔ ne: