Ɛsra 7:6 - AHYERƐLƐ KRONGRON

⁶ sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Ɛsra 7:6 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Ɛsra 5:5

Nakoso Yisrael Nyameɛ ne, né ye nye wɔ Yuda mbanyi nemɔ aso. Yiti Pɛsiafoɛ nemɔ anzi bɛ ate, kɔpem kyɛ bɛfale ye nwo amaneɛ bɛɛbɔle Dario maa ye koso ɔhyerɛle krataa wale ɔ.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Ɛsra 7:28

ofikyɛ walo me wamaa manya animnyam wɔ Nana Atasɛsɛse ne ye foɛtulɛfoɛ ne ye mbanyi amukoraa bɛ nyunu. AWURADE me Nyameɛ lole me gyinane me si, na ɛhe hyɛle me nguraen. Na mmoaboale mbanyi bɔ bɛlela Yisrael noa maa yɛsa yɛwale.”

Ɛsra 7:5

bɔ ye baba ole Abisua, bɔ ye baba ole Finehase, bɔ ye baba ole Eleasa, bɔ ye baba ole ɔsɔfo panyi Aarɔn ne,

Ɛsra 7:9

Kyẽa bɔ oli moa wɔ bosome bɔ oli moa ne anu yeɛ otuli ye bo fili Babilɔn ɔ, na kyẽa bɔ oli moa wɔ bosome nnu ne anu yeɛ oodwuli Yerusalem ɔ, ofikyɛ ye Nyameɛ nwuni ye anwumvoin gyinane ye si.

Ɛsra 8:1

Mbanyi bɔ bɛlela bɛ mmusua nemɔ noa, bɔ bɛ ne me fili Babilɔn wale wɔ Nana Atasɛsɛse aberɛ so ne, b’aworɛ ndoatoasoɛ ɛhe:

Ɛsra 8:18

Na ɔnate kyɛ yɛ Nyameɛ lole yɛ ne ati, bɛmane biaa bie bɔ oli Serebia wale. Ɔte Yisrael awa Lewi ɔwa Maheli ye bosoniɛ. Ɔne ye mma mɔ ne ye mmango Lewifoɛ, bɛte buru ne mmɔtwɛ.

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Ɛsra 8:31

Bosome bɔ oli moa ne, ye kyẽa bɔ ɔtɔ so buru ne nyɔ ne, yeɛ yɛtuli yɛ bo yɛfili asue Ahawa noa kyɛ yɛkɔ Yerusalem ɔ. Yɛ Nyameɛ gyinane yɛ si, na ɔpepɛ lele yɛ fili pɔfoɛ mɔ ne mmenia bɔ bɛɛtetɛle yɛ atunu nemɔ sa nu.

Nehemia 12:26

Sɔ mmerɛ ne te Yoakim bɔ ye baba ole Yesua bɔ ye baba ole Yosadake ne, yeɛ amrado Nehemia ne ɔsɔfo Ɛsra bɔ ɔte ahyerɛlɛniɛ ne b’aberɛ so.

Nehemia 12:36

ne ye abusuafoɛ Semaya, Asarel, Milalae, Gilalae, Mayi, Netanɛl, Yuda ne Hanani. Né betiratira Nyameɛ sona Dawide ye nningyein bɔ ɔfa bɔ edwein ne, na né ahyerɛlɛniɛ Ɛsra oli bɛ nyunu.

Nehemia 2:12

Ɛhe asi ye, ndwɔsole kɔngɔen. Né mmenia kãa bie yeɛ bɛboka me so ɔ. Na nikyee bɔ Nyameɛ akanyane me kyɛ nyɔ ma Yerusalem ne, mangã mangyire ebiala. Né kaka biala ɔbboka me so, sana kaka bɔ nde ye so ne ala.

Nehemia 2:18

Ngane kyɛbɔ me Nyameɛ walo me wagyina me si, ɔne edwirɛ bɔ Nana Atasɛsɛse wahã wahyire mene ngyirele bɛ. Na bɛhane kyɛ, “Ɛ́mɔma yɛdwɔso yɛsi!” Yiti bɛfale bɛ nwo belele sɔ adwuma paa ne anu.

Nehemia 2:8

Afei, Nana, kyerɛ krataa maa ngɔma Asafe bɔ ɔnea wɔ ɛhɔayeɛ ne aso ne, kyɛ ɔma me mmakaa maa mva nyɔ asɔneyɛɛ sua abandenden pambim mbuna nemɔ, kuro berɛ fasue pambim nemɔ ɔne awuro bɔ mekwaatena nu ne anoa nemɔ.” Na nningyein bɔ nzrɛle ne, Nana Atasɛsɛse fa mane me, ofikyɛ né me Nyameɛ bɔ ɔdo sona ne, né ogyi me si.

Nehemia 4:15

Na yɛ pɔfoɛ mɔ tele kyɛ yate bɛ porɛ bɔ babɔ ne, na afei Nyameɛ ama bɛ nzusuleɛ ayɛ mbaen ne, yɛ mukoraa yɛsa yɛhɔle fasue ne anwo, na ebiala ɔɔtoale ye adwuma so.

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.

Nehemia 8:13

Kyẽa bɔ ɔtɔ so nyɔ ne, bɛ bɔ bɛlela mmenia ne amukoraa bɛ nana mɔ bɛ sasofoɛ noa ne, bɛ ne asɔfo nemɔ ne Lewifoɛ ne, bɛbɔle nu bɛhɔle ahyerɛlɛniɛ Ɛsra berɛ kyɛ bɛkwaasua mmeraa ne anu dwirɛ ne.

Nehemia 8:4

Yeɛ ahyerɛlɛniɛ Ɛsra gyinane taboa simbini bie bɔ nyianu ne ati bahyɛ da babobɔ ɔ so. Na mmenia hemɔ gyinagyinane ye ngyɛnu: Matitia, Sema, Anaya, Yuria, Hilkia ne Maaseya gyinane ye sa famaa so, yeɛ Pedaya, Misael, Malkiya, Hasum, Hasbadana, Sakaria ne Mesulam koso begyinane ye sa bɛen so.

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Nehemia 9:13

Edwu wale Sinai bokaa ne aso, na ɛne bɛ dwudwole fili nyameɛso, na ɛmane bɛ tenenee nhyehyɛleɛ, mmeraa turoloo, yeɛ ahyɛdeɛ ne mmeraa dwirɛ bɔ ɔte paa ɔ.

Edwein 109:27

Maa benwu kyɛ wɔ tumi ɔ; kyɛ AWURADE, wɔ yeɛ ayɔ ɔ.

Edwein 147:19

Ɔlale ye dwirɛ ali hyirele Yakob, ɔfale ye ahyɛdeɛ ne ye nhyehyɛleɛ mane Yisrael.

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Edwein 80:18

Ɔba ye sɔ a, yɛngɔkakyi yɛ si yɛngɔma wɔ. Maa yɛnya ngoa, na yɛkɔbɔ wɔ dumaa.

Anyandera 3:6

Wɔ bra mukoraa, maa Nyameɛ bra nu, na okohyire wɔ atee maa ɛkɔfa so.

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 59:1

Ɛ́mɔtie! AWURADE sa ɔtte tika bɔ ɔngora mbepɛ nnne ɔ, yeɛ ye so anu ɔnyɛ se bɔ ɔnde dwirɛ ɔ;

Yeremia 8:8

Nzu ati yeɛ ɛmɔkã kyɛ, ‘Yɛse nworɛ, na AWURADE mmeraa ne, yɛ berɛ yeɛ ɔwɔ ɔ’? Nakoso tie, nahorɛ nu, ngondombo bɔ ahyerɛlɛfoɛ nemɔ bahyerɛ ne, wakakyi edwirɛ ne maa wayɛ anoanu.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 23:2

“Mose bia so yeɛ ahyerɛlɛfoɛ mɔ ne Farasiifoɛ mɔ bɛtena ɔ;

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Korintofoɛ 1:20

Nzaade, né nworɛfoɛ gyi ye sɛ? Nimdeɛfoɛ koso begyi ye sɛ? Bɛ bɔ babe aporowaasulɛ nu wɔ ewiase wa ne koso begyi ye sɛ? Aso Nyameɛ mmane wiase wa nworɛ ɔkkakyili ngwaseasɛm?

1 Korintofoɛ 15:1

Aliɛmaa mɔ, afei mekaye ɛmɔ nzɛmba bɔ nga ngyirele ɛmɔ, bɔ ɛmɔle bɛtole nu, ná ɛmɔ (gyidie) gyi so ne.

Deuteronomi 28:1

“Sɛ etie AWURADE wɔ Nyameɛ dwirɛ, ná edi ye mmeraa dwirɛ mukoraati bɔ ɛnɛ kyẽa ye méhyɛ méma wɔ ne aso nahorɛ nu a, AWURADE wɔ Nyameɛ kɔpagya wɔ kɔtra ewiase maen maen mukoraati.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.