Ɛsra 7:27 - AHYERƐLƐ KRONGRON

²⁷ (Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Ɛsra 7:27 Iomraidhean Croise

2 Aberɛso Dwirɛ 31:8

Mmerɛ bɔ Hesekia ne mbanyi nemɔ bɛwale benwuni nningyein kure kure nemɔ nen, bɛyele AWURADE ayɛ, na beyirale ye maen Yisrael.

Ɛsra 6:22

Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Nehemia 2:12

Ɛhe asi ye, ndwɔsole kɔngɔen. Né mmenia kãa bie yeɛ bɛboka me so ɔ. Na nikyee bɔ Nyameɛ akanyane me kyɛ nyɔ ma Yerusalem ne, mangã mangyire ebiala. Né kaka biala ɔbboka me so, sana kaka bɔ nde ye so ne ala.

Nehemia 2:8

Afei, Nana, kyerɛ krataa maa ngɔma Asafe bɔ ɔnea wɔ ɛhɔayeɛ ne aso ne, kyɛ ɔma me mmakaa maa mva nyɔ asɔneyɛɛ sua abandenden pambim mbuna nemɔ, kuro berɛ fasue pambim nemɔ ɔne awuro bɔ mekwaatena nu ne anoa nemɔ.” Na nningyein bɔ nzrɛle ne, Nana Atasɛsɛse fa mane me, ofikyɛ né me Nyameɛ bɔ ɔdo sona ne, né ogyi me si.

Nehemia 7:5

Yeɛ Nyameɛ maa nyane adwene kyɛ atitire nemɔ, mbanyi nemɔ ne maen ne, mma bɛbɔ dwaa maa bɛhyerɛ bɛ dumaa kyɛbɔ bɛ mmusua mmusua te ɔ. Na nwuni mmusua mmusua nwomaa bɔ bɛ bɔ belili moa bɛwale ne, bɛ dumaa wɔ nu ɔ. Na nwuni kyɛ bahyerɛ ɛhe wɔ nu:

Ɛksadɔso 8:9

Na Mose sele Faro kyɛ, “Wɔ adaworoma, maa nwu mmerɛ horɛ bɔ nzrɛ ma wɔ, ɛne wɔ mbanyi mɔ ne wɔ mmenia, kyɛbɔ ɔkɔyɛ ná mborohyɛen nemɔ awuwu afi wɔ ne w’awuro mɔ so ɔ; asue Naele nu deɛ angome yeɛ ɔkɔha ɔ.”

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yesaya 60:13

“Lebanon animnyam kɔwa wɔ berɛ, bɔ ɔte ye ɛframmire, pataboɛ ne ammire ne, bɔ ɛkɔfa kosiesie me nekaa krongron ne ɔ, na ngɔhyɛ nekaa bɔ me gya tia ne animnyam.

Luka 7:5

ofikyɛ okuro yɛ maen ne dwirɛ, na wasi nyianu sua wama yɛ.”

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Filipifoɛ 4:10

Ɔyɛ me fɛ paa wɔ Awurade nu kyɛ afei de ɛmɔasa bahyɛ ye bo bɛdwene me nwo bieku ɔ; ɛmɔdwene me nwo de, nakoso atee amma nu amma ɛmɔ.

Hebrifoɛ 10:16

“Awurade nwa nyoo: Sɛ sɔ ngyẽa ne pɛ nu a, apam bɔ me ne bɛ kɔhyehyɛ hɔ ɛhe: Ngɔfa me mmeraa ngowura b’ahone nu, na mahyerɛ ye wɔ b’adwene nu.”

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Nyekyire 17:17

Ofikyɛ Nyameɛ amaa banya adwene ko kyɛ bɛ́ma ye nhyehyɛleɛ bra nu, kyɛ bénya adwene ko, ná bɛfa b’ahennie ne bɛma kaka ne, kɔpem kyɛ Nyameɛ noa dwirɛ ne kɔwa nu ɔ.