Ɛsra 7:26 - AHYERƐLƐ KRONGRON

²⁶ Na sona biala bɔ wanni wɔ Nyameɛ mmeraa ne aso, ɔne me, Nana Atasɛsɛse me mmeraa so ne, ɔsɛ kyɛ bebua ye fɔ bɛtwe ye so ndɛndɛ: kyɛ bekobua ye ewue foɛ oo, anaa bɛkɔpɛ ye asue oo, anaa bekole ye nwo nningyein oo, anaa bɛkɔto ye kuku nu oo.”

Ɛsra 7:26 Iomraidhean Croise

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Ɛsra 10:4

Dwɔso, ofikyɛ wɔ yeɛ asodie ne ɔla wɔ so ɔ. Yɛgyi wɔ si, yiti si wɔ hue ná yɔ ye sɔ.”

Ɛsra 10:8

kyɛ bama bɛ ɛlɛsa, na ebiala bɔ wamma ne, mbɔtam mbanyi ne mbanyi nemɔ bahyɛ mmeraa kyɛ bele ye nwo nningyein amu, ná bɛpɛ ye asue befi mmenia bɔ bafi nnurehyelɛ nu bawa ne anu.

Ɛsra 6:11

Masa mahyɛ mmeraa koso kyɛ, ebiala bɔ okotu sɔ mmeraa ne kogua ne, bɛkɔye ye awuro nu mbuna ko, bekosinzi ye noa bɛkɔfa bɛkɔpena berɛ, ná bafa ye basina so, na bɛkɔfa ye awuro ne bɛkɔkakyi fofoɛ.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Deuteronomi 27:26

“ ‘Musue tó sona biala bɔ onne mmeraa he anu dwirɛ ndo nu kyɛ okoli so ɔ.’ Na mmenia ne amukoraa kosuro so kyɛ, ‘Amen!’