Ɛsra 7:25 - AHYERƐLƐ KRONGRON

²⁵ “Na wɔ, Ɛsra, wɔ Nyameɛ nworɛ bɔ wafa wama wɔ ne, gyina so yeye edwirɛlilɛfoɛ ne maenbulɛfoɛ bɔ bɛse wɔ Nyameɛ mmeraa ne, bɔ bɛkɔla mmenia amukoraa bɔ bɛwɔ asue Yufreti si mbɔtam noa bɛkɔtoto nikyee biala pɛpɛɛpɛ ɔ. Bɛ bɔ bɛnze mmeraa ne koso, ɔsɛ kyɛ ɛmɔkyirekyire bɛ.

Ɛsra 7:25 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

Gyenesise 41:39

Yiti Faro sele Yosef kyɛ, “Ɔnate kyɛ Nyameɛ aye ɛhe amu wahyire wɔ ne ati, ebiala nne berɛ bɔ ole nimdeɛ na ɔse nworɛ kyɛ wɔ ɔ;

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

2 Ahemvo 17:27

Yeɛ Asiria hene hyɛle kyɛ, “Asɔfo nemɔ bɔ ɛmɔhyele bɛ bɛfale bɛ befili Samaria ne, ɛ́mɔma bɛ nu ko ɔhɔ dɔ ɔɔtena dɔ, ná ohyirehyire mmenia nemɔ aseɛ ne aso nyameɛ ne, ye mmeraa.”

1 Aberɛso Dwirɛ 22:12

Mesrɛ AWURADE kyɛ ɔ́ma wɔ nworɛ ne ndeaseɛ, amaa sɛ ɔfa Yisrael maen ne wura wɔ sa a, anea ali AWURADE wɔ Nyameɛ mmeraa ne aso.

1 Aberɛso Dwirɛ 23:4

Dawide nwa, “Bɛ nu apee aburanyɔ ne nna, yeɛ bɛkɔnea AWURADE awuro berɛ adwuma ne aso ɔ, na apee nzia kɔyɛ awuro berɛ ahyerɛlɛfoɛ ne bɛ bɔ bedi dwirɛ ɔ.

Ɛsra 10:4

Dwɔso, ofikyɛ wɔ yeɛ asodie ne ɔla wɔ so ɔ. Yɛgyi wɔ si, yiti si wɔ hue ná yɔ ye sɔ.”

Ɛsra 6:6

“Yiti wɔ Tatenae bɔ ɛte asue Yufreti si mbɔtam amrado ne, ɛne Seta Bosenae ne ɛmɔ mmango maen mbanyi bɔ bɛwɔ asue Yufreti si mbɔtam dɔ ne, nnɛma ɛmɔsi asɔneyɛɛ sua ne silɛ nwo ate.

Ɛsra 7:10

Ofikyɛ né Ɛsra watu ye nwo wasie berɛ kyɛ okosua AWURADE mmeraa ne, kyɛ okoli so, ɔne kyɛ okohyirehyire sɔ ahyɛdeɛ ne ɔne nhyehyɛleɛ ne wɔ Yisrael.

Ɛsra 7:14

Ofikyɛ me Atasɛsɛse, me ne me foɛtulɛfoɛ nzoo nemɔ yeɛ yasoma wɔ ɔ, kyɛ kɔ Yuda ne Yerusalem kɔtoto nningyein yé, kyɛbɔ wɔ Nyameɛ mmeraa bɔ otira wɔ sa nu ne okyire ne.

Nehemia 9:3

Bɛhɔle so begyinane bɛ gya so bɛkengale AWURADE bɛ Nyameɛ mmeraa nwomaa ne dɔnhwere nza, yeɛ bɛfale dɔnhwere nza bieku bɛhane bɛ bɔne, na bɛsɔnene AWURADE bɛ Nyameɛ.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Marko 6:34

Yesu fili ɛlɛen ne anu dwuli ase, na onwuni mmenia wora nen, bɛyɛle ye anwumvo; ofikyɛ né bɛte kyɛ mmoaen bɔ belle neafoɛ ɔ; na ɔhyɛle ye bo hyirehyirele bɛ nningyein pee.

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.