Ɛsra 7:22 - AHYERƐLƐ KRONGRON

²² sɛ ye somaa te ɛdwetɛ kilo apee nza ɛyaa nna, atokoɔ olonka apee ko, nzaa galɔn ɛyaa nnu ne aburannu, ngoo galɔn ɛyaa nnu ne aburannu, yeɛ ngyee buburugyaa po a.

Ɛsra 7:22 Iomraidhean Croise

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Ɛsra 7:23

Nyameɛso Nyameɛ ne, ahyɛdeɛ biala bɔ ɔkɔhyɛ kɔfa ye awuro ne anwo ne, odi kyɛ ɛmɔyɔ ye pɛpɛɛpɛ bɛma nyameɛso Nyameɛ ne. Anyɔ a, ɔkɔfɛ me Nana Atasɛsɛse, me ne me mma y’ahennie so yaa.

Hesekiel 45:14

Yeɛ ngoo nwo nhyehyɛleɛ ɛhe: ngoo angora asusudeɛ biala, ɛ́mɔfa galɔn ko nu ngyɛmuɛ buru, (angora asusudeɛ te angora, na galɔn buru yeɛ ɔwɔ nu ɔ);

Lewitikɔso 2:13

Ɛ́mɔwura ɛmɔ aburoo afɔleɛ amukoraati ngyee; ɛmɔ ne ɛmɔ AWURADE apam ngyee ne, nnɛmɔma ɔpa ɛmɔ aburoo afɔleɛ ne anu; ɛ́mɔfa ngyee bɛboka ɛmɔ afɔleɛ amukoraa so.