Ɛsra 7:16 - AHYERƐLƐ KRONGRON

¹⁶ Yeɛ ɛdwetɛ ne sikaa kɔkorɛ biala bɔ ekonya ye wɔ Babilɔn aseɛ so amukoraa ne, ɔne maen ne asɔfo akyɛdeɛ afɔleɛ bɔ bɛye bɛ kunu bɛbɔ bɛma bɛ Nyameɛ awuro bɔ ɔwɔ Yerusalem ne, fa boka so kɔ.

Ɛsra 7:16 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

1 Aberɛso Dwirɛ 29:6

Yeɛ mbanyi bɔ bɛlela bɛ nana mɔ sasofoɛ noa ne, bɛbɔle b’akyɛdeɛ afɔleɛ, na sɔ ala yeɛ mbanyi bɔ bɛlela abusua kure noa ne, koɛhonɛfoɛ apee apee so safohene nemɔ, koɛhonɛfoɛ ɛyaa ɛyaa so safohene nemɔ, bɛ ne mbanyi bɔ bɛlela Nana Dawide adwuma noa nemɔ bɛbobɔle bɛ deɛ ɔ.

1 Aberɛso Dwirɛ 29:9

Na maen ne nye gyele, ofikyɛ sɔ mmenia nemɔ bɛyele bɛ kunu sefaa bɛbɔle afɔleɛ. Bɛyɛle b’adwene ko bɛyele bɛ kunu bɛbɔle afɔleɛ bɛmane AWURADE. Na Nana Dawide koso nye gyele paa.

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

2 Aberɛso Dwirɛ 6:2

Masi sua nyemene paa mama wɔ. Ɔte nekaa bɔ ɛkɔtena afebɔɔ ɔ.”

2 Aberɛso Dwirɛ 6:5

‘Ofi kyẽa bɔ nyele me maen mvili Misraim aseɛ so mmale ɔ, nnneane Yisrael mmusua kure ne biala anu nnyele kuro bɔ ngosi sua ngosie so ngɔma me dumaa kɔla so ɔ. Yeɛ manneanea nu manye sona biala kyɛ oli me maen Yisrael so.

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

Ɛsra 1:4

Yisraelfoɛ bɔ baha ne, nekaa biala bɔ bɛte ne, ɔsɛ kyɛ berɛ ama bɛfa sɔ nningyein hemɔ bɛma Yisraelfoɛ nemɔ: ɛdwetɛ, esikaa kɔkorɛ, nningyein, nyɛmmoa, ɔne akyɛdeɛ bɔ bɛkwaafa besi Nyameɛ awuro bɔ ɔwɔ Yerusalem ne.”

Ɛsra 1:6

Na mmenia bɔ Yisraelfoɛ ne bɛ te mbɔtam ne amukoraa bɛfale sɔ nningyein hemɔ bɛbokale bɛ: ɛdwetɛ ndalie, esikaa kɔkorɛ, nningyein, nyɛmmoa, mbembenanneɛ, ɔne akyɛdeɛ ahoroɔ bɔ befiane bɛ kunu bɛfa bɛmane bɛ ɔ.

Edwein 135:21

AWURADE bɔ ɔte Yerusalem ne, animnyam hã ye wɔ Sion, Ɛ́mɔye AWURADE ayɛ!

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 9:7

Na kyɛbɔ ebiala asusu ye nwo wɔ ye adwene nu ne, maa ɔfa sɔ ma, na wanyɛ kyɛ ɔtwetwe ye gya ase anaakyɛ ɔyɛ ye nhyɛsoɛ nu; ofikyɛ bɔ ɔye ye kunu fitaa fa nikyee kyɛ ne yeɛ Nyameɛ kuro ye dwirɛ ɔ.