Ɛsra 7:15 - AHYERƐLƐ KRONGRON

¹⁵ Asa koso, ɛdwetɛ ne sikaa kɔkorɛ bɔ me Atasɛsɛse, me ne me foɛtulɛfoɛ mɔ yaye yɛ kunu yafa yabɔ afɔleɛ yama Yisrael Nyameɛ bɔ ɔte Yerusalem ne, fa boka so kɔ.

Ɛsra 7:15 Iomraidhean Croise

1 Aberɛso Dwirɛ 29:6

Yeɛ mbanyi bɔ bɛlela bɛ nana mɔ sasofoɛ noa ne, bɛbɔle b’akyɛdeɛ afɔleɛ, na sɔ ala yeɛ mbanyi bɔ bɛlela abusua kure noa ne, koɛhonɛfoɛ apee apee so safohene nemɔ, koɛhonɛfoɛ ɛyaa ɛyaa so safohene nemɔ, bɛ ne mbanyi bɔ bɛlela Nana Dawide adwuma noa nemɔ bɛbobɔle bɛ deɛ ɔ.

2 Aberɛso Dwirɛ 2:6

Na nwa koraa yeɛ ɔkɔhora kosi sua kɔma ye ɔ, ofikyɛ nyameɛso anwuro anwuro dɔ po ne, berɛ te kãa ma ye. Me ole nwa bɔ odi kyɛ mesi sua mema ye ɔ, sana nekaa bɔ bɛkɔbɔ afɔleɛ wɔ ye nyunu ɔ?

2 Aberɛso Dwirɛ 32:23

Mmenia pee bɛfale akyɛdeɛ bɛbrɛle AWURADE wɔ Yerusalem, na bɛfale nningyein bɔ ye nyɔboɛ yɛ se ɔ bɛɛhyɛle Yuda hene Hesekia, na ɔnate ɛhe aso onyane dumaa piri wɔ maen maen amukoraa nu fi sɔ mmerɛ ne bɔ ɔkɔ ɔ.

2 Aberɛso Dwirɛ 6:2

Masi sua nyemene paa mama wɔ. Ɔte nekaa bɔ ɛkɔtena afebɔɔ ɔ.”

2 Aberɛso Dwirɛ 6:6

Nakoso nneane nu nyele Yerusalem kyɛ mefa me dumaa meto so, yeɛ nneane nu nyele Dawide kyɛ oli me maen Yisrael so.’

Ɛsra 1:6

Na mmenia bɔ Yisraelfoɛ ne bɛ te mbɔtam ne amukoraa bɛfale sɔ nningyein hemɔ bɛbokale bɛ: ɛdwetɛ ndalie, esikaa kɔkorɛ, nningyein, nyɛmmoa, mbembenanneɛ, ɔne akyɛdeɛ ahoroɔ bɔ befiane bɛ kunu bɛfa bɛmane bɛ ɔ.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Ɛsra 6:4

Ye fapem ne, nyɔboɛ mbiri nza biala bɔ bɛkɔfa bɛkɔtaataa so ne, bɛkɔfa bakaa ko bɛkɔto so. Na ye nwo kerɛ ne, yɛkotua yɛkofi ahemvie fotoɛ ne anu.

Ɛsra 7:14

Ofikyɛ me Atasɛsɛse, me ne me foɛtulɛfoɛ nzoo nemɔ yeɛ yasoma wɔ ɔ, kyɛ kɔ Yuda ne Yerusalem kɔtoto nningyein yé, kyɛbɔ wɔ Nyameɛ mmeraa bɔ otira wɔ sa nu ne okyire ne.

Ɛsra 8:25

Na Nana Atasɛsɛse ne ye foɛtulɛfoɛ ne ye mbanyi ne Yisraelfoɛ bɔ bɛwɔ berɛ amukoraa ne, ɛdwetɛ ne sikaa kɔkorɛ ne nningyein bɔ bɛfa bɛbɔle afɔleɛ kyɛ yɛfa yɛyɔ yɛ Nyameɛ awuro ne anwo adwuma ne, ngarili mva nwurale asɔfo nemɔ sa.

Edwein 135:21

AWURADE bɔ ɔte Yerusalem ne, animnyam hã ye wɔ Sion, Ɛ́mɔye AWURADE ayɛ!

Edwein 26:8

Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Edwein 76:11

Odi kyɛ ɛmɔhyehyɛ AWURADE ɛmɔ Nyameɛ bɔ, na ɛmɔtua, bɛ bɔ bapɛ ye nwo bayia ne amukoraa, odi kyɛ ebiala ɔfa akyɛdeɛ ɔbrɛ ye bɔ ye nwo yɛ suro ne.

Edwein 76:2

Ye tena sua wɔ Salem, na ye atenaleɛ wɔ Sion.

Edwein 9:11

Ɛ́mɔto AWURADE bɔ ɔte Sion ne nwo ayɛyelɛ dwein. Ɛmɔhã bɔ wayɔ ɔ wɔ maen maen mɔ so.