Ɛsra 7:14 - AHYERƐLƐ KRONGRON

¹⁴ Ofikyɛ me Atasɛsɛse, me ne me foɛtulɛfoɛ nzoo nemɔ yeɛ yasoma wɔ ɔ, kyɛ kɔ Yuda ne Yerusalem kɔtoto nningyein yé, kyɛbɔ wɔ Nyameɛ mmeraa bɔ otira wɔ sa nu ne okyire ne.

Ɛsra 7:14 Iomraidhean Croise

Ɛsra 1:3

Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Ɛsra 5:8

Nana, yɛbɔ wɔ amaneɛ kyɛ, yɛhɔle Yuda mbɔtam dɔ, nekaa bɔ Nyameɛ piri ne, ye awuro ne ɔwɔ ne. Nyɔboɛ mbiri mbiri yeɛ bɛ́fa bési ɔ, na basa bafa mbuna bagyinagyina ye fasue ne anu. Bayere bɛ nwo paa yeɛ bɛ́yɔ adwuma ne ɔ, na ɔkɔ so paa.

Ɛsra 6:12

Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Ɛsra 6:8

Afei, bɔ ɔsɛ kyɛ ɛmɔyɔ bɛboka sɔ Yudafoɛ mbanyi nemɔ maa besa besi Nyameɛ awuro he ne, mahyɛ ye nwo mmeraa kyɛ, ahemvie fotoɛ, bɔ ɔte ɛtoɔ bɔ yɛde yɛfi asue Yufreti si mbɔtam ne, odi kyɛ ɛmɔfa betua awuro ne anwo kerɛ amukoraa bɛma bɛ ndɛndɛ.

Ɛsra 7:15

Asa koso, ɛdwetɛ ne sikaa kɔkorɛ bɔ me Atasɛsɛse, me ne me foɛtulɛfoɛ mɔ yaye yɛ kunu yafa yabɔ afɔleɛ yama Yisrael Nyameɛ bɔ ɔte Yerusalem ne, fa boka so kɔ.

Ɛsra 7:28

ofikyɛ walo me wamaa manya animnyam wɔ Nana Atasɛsɛse ne ye foɛtulɛfoɛ ne ye mbanyi amukoraa bɛ nyunu. AWURADE me Nyameɛ lole me gyinane me si, na ɛhe hyɛle me nguraen. Na mmoaboale mbanyi bɔ bɛlela Yisrael noa maa yɛsa yɛwale.”

Ɛsra 8:25

Na Nana Atasɛsɛse ne ye foɛtulɛfoɛ ne ye mbanyi ne Yisraelfoɛ bɔ bɛwɔ berɛ amukoraa ne, ɛdwetɛ ne sikaa kɔkorɛ ne nningyein bɔ bɛfa bɛbɔle afɔleɛ kyɛ yɛfa yɛyɔ yɛ Nyameɛ awuro ne anwo adwuma ne, ngarili mva nwurale asɔfo nemɔ sa.

Ɛseta 1:14

Bɛ bɔ ɔyɛ a Nana Ahasuro ɔne bɛ betu asure paa ole Kasena, Seta, Adimata, Tasise, Merese, Masena ne Memukan. Bɛ yeɛ bɛte mbanyi nzoo bɔ bɛwɔ Pɛsia ne Media bɔ né bɛtaa bɛ ne Nana Ahasuro bedi ngitahoɛ ɔ, na bɛ yeɛ betira ahennie ne anu dibea piri paa ɔ.)

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Sakaria 6:10

“Heldae, Tobiya ne Yedaya bɔ bɛhyele bɛ nnure bɛhɔle bɔ bafi Babilɔn bawa ne, de (ɛdwetɛ ne sikaa kɔkorɛ ne) fi bɛ berɛ; ná kɔ Sefania awa Yosia awuro sɔ kyẽa ne ala.