Ɛsra 7:13 - AHYERƐLƐ KRONGRON

¹³ Mahyɛ mmeraa kyɛ, Yisraelniɛ biala bɔ ɔwɔ m’ahennie ye anu, yeɛ b’asɔfo ne Lewifoɛ, ebiala bɔ okuro kyɛ ɔkɔhɔ Yerusalem ne, ɔkɔhora ne wɔ bɛkɔhɔ.

Ɛsra 7:13 Iomraidhean Croise

2 Aberɛso Dwirɛ 30:5

Yiti bɛhyɛle mmeraa wɔ Yisrael amukoraa, fi Beɛ Hyeba kɔpem Dan, kyɛ ebiala ɔbra ooli Abɔtra aluolue ne ɔhyɛ AWURADE Yisrael Nyameɛ ne animnyam wɔ Yerusalem; ofikyɛ né mmenia bɛmmɔ nu benni Abɔtra ne kyɛbɔ bahyehyɛ bato berɛ wɔ mmeraa nwomaa ne anu ne.

Ɛsra 1:3

Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Ɛsra 5:13

Na Babilɔn hene Karose lili bia ne, ye afoɛ bɔ oli moa ne anu, ɔhyɛle mmeraa kyɛ yɛsa yɛsi Nyameɛ awuro he.

Ɛsra 6:1

Afei Nana Dario hyɛle mmeraa maa bɛɛpenane sɔ ngrataa ne wɔ nekaa bɔ besie ngrataa wɔ Babilɔn ne.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Ɛseta 9:14

Na Nana Ahasuro fale ahyɛdeɛ mane kyɛ bɛyɔ sɔ. Ɔhyɛle mmeraa wɔ Susa, na besinzele Haman mma mmienzua buru nemɔ bɛ fuin.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 148:6

Ɔfale bɛ tindimuni berɛ afebɔɔ; na ɔmane bɛ ahyɛdeɛ bɔ ɔngɔpɛ nu le ɔ.

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Filipifoɛ 2:13

ɔnate kyɛ Nyameɛ yeɛ ɔyɔ adwumaa wɔ ɛmɔ nu maa ɛmɔkuro kyɛ ɛmɔyɔ, ná ɛmɔyɔ nnwumaa kyɛbɔ ɔsɔ ye nye ɔ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.