Ɛsra 7:12 - AHYERƐLƐ KRONGRON

¹² “Me Atasɛsɛse, ahemvo mɔ nu hene, mefa krataa ye mema ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne. Mebisa wɔ oo. M’ahyɛdeɛ ne ɛhe:

Ɛsra 7:12 Iomraidhean Croise

1 Ahemvo 20:1

Siria hene Ben Hadade boaboale ye koɛhonɛfoɛ amukoraati noa. Né ahemvo aburasa ne nyɔ ne mbɔngɔ ne teaseɛnam mɔ boka ye so. Ɔfale koɛ ɔɔtoale Samaria. Otuale kuro ne, na ɔne bɛ hone.

1 Ahemvo 4:24

Ofikyɛ maen maen amukoraa bɔ bɛwɔ asue Yufreti eyia atɔleɛ so, ofi Tifesa bɔ ɔkwaadwu Gasa, ɔne ahemvo amukoraa bɔ bɛwɔ Yufreti eyia atɔleɛ so ne, ye yeɛ né odi bɛ so ɔ; na onyane asomdwee maa ɔpɛle ye nwo bra yiale.

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 4:17

Na Nana Atasɛsɛse maa bɛfale mmuayɛɛ he bɛɛmane bɛ, “Mefa mebrɛ Amrado Rehum ne ahyerɛlɛniɛ Simsae ne bɛ mmango mɔ bɔ bɛwɔ Samaria ne asue Yufreti si dɔ mbɔtam ne aso ne. Mebisa ɛmɔ oo.

Ɛsra 7:1

Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,

Ɛsra 7:11

Ɔsɔfo Ɛsra bɔ ɔte ahyerɛlɛniɛ bɔ wabe paa wɔ AWURADE mmeraa dwirɛ ne ye ahyɛdeɛ bɔ ɔfa mane Yisrael ne anu ne, krataa bɔ Nana Atasɛsɛse fa mane ye ɛhe:

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Yesaya 10:8

Ofikyɛ ɔnwa: “Me safohene mɔ, aso bɛtte hene hɔ ɔ?

Hesekiel 26:7

“Ofikyɛ AWURADE Nyameɛ nwa nyoo: Tie, mebaafa Babilɔn hene Nebukadenesa bɔ ɔte ahemvo mɔ nu hene ne, ɔne mbɔngɔ, teaseɛnam mɔ, pɔngɔhanɛfoɛ ne koɛhonɛfoɛ ɛlɔen pee mefi sorɔ dɔ meba wɔ, Tiro so.

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

1 Timoteo 6:15

Na bɔ ɔkɔma ɛhe kɔla ali wɔ mmerɛ bɔ ɔsɛ ɔ nu ole saleɛniɛ ne Tuminiɛ komapɛ twe ne, ahemvo mɔ nu Hene ne meneɛ mɔ nu Meneɛ ne,

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”