Ɛsra 7:10 - AHYERƐLƐ KRONGRON

¹⁰ Ofikyɛ né Ɛsra watu ye nwo wasie berɛ kyɛ okosua AWURADE mmeraa ne, kyɛ okoli so, ɔne kyɛ okohyirehyire sɔ ahyɛdeɛ ne ɔne nhyehyɛleɛ ne wɔ Yisrael.

Ɛsra 7:10 Iomraidhean Croise

1 Aberɛso Dwirɛ 29:18

Ao AWURADE, Abraham, Yisake, Yisrael ne yɛ nana mɔ Nyameɛ, adwene paa ne nhyehyɛleɛ paa bɔ ɔte sɔa ye, maa ɔtena wɔ mmenia bɛ ti anu daa. Maa beli nahorɛ bɛma wɔ daa.

2 Aberɛso Dwirɛ 12:14

Rehoboam yɔle bɔne, ofikyɛ wanye ye kunu wanni AWURADE si.

2 Aberɛso Dwirɛ 19:3

Nakoso banwu paa kãa wɔ wɔ nu, ofikyɛ etutuli bosoen Asera dosii bo fili aseɛ ne aso, ná asi w’adwene pi kyɛ ɛkɔpena Nyameɛ si atee.”

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

Ɛsra 7:11

Ɔsɔfo Ɛsra bɔ ɔte ahyerɛlɛniɛ bɔ wabe paa wɔ AWURADE mmeraa dwirɛ ne ye ahyɛdeɛ bɔ ɔfa mane Yisrael ne anu ne, krataa bɔ Nana Atasɛsɛse fa mane ye ɛhe:

Ɛsra 7:25

“Na wɔ, Ɛsra, wɔ Nyameɛ nworɛ bɔ wafa wama wɔ ne, gyina so yeye edwirɛlilɛfoɛ ne maenbulɛfoɛ bɔ bɛse wɔ Nyameɛ mmeraa ne, bɔ bɛkɔla mmenia amukoraa bɔ bɛwɔ asue Yufreti si mbɔtam noa bɛkɔtoto nikyee biala pɛpɛɛpɛ ɔ. Bɛ bɔ bɛnze mmeraa ne koso, ɔsɛ kyɛ ɛmɔkyirekyire bɛ.

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

YOB NWOMAA NE 11:13

“Sɛ ɛma wɔ bra yɛ sannwuu a, yeɛ ɛkɔfa w’abisadeɛ ɛkɔto ye nyunu ɔ.

Edwein 1:2

Sɔ sona ne, ye nye gye AWURADE mmeraa ne anwo, na ye mmeraa ne yeɛ ɔdwene ye nwo eyia ne kɔngɔen ɔ.

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 119:112

Masiesie m’ahone kyɛ ngoli w’ahyɛdeɛ so daa ngoodwu ayieleɛ.

Edwein 119:45

Ngɔnate bɔ hwee nha me ɔ, ofikyɛ mapena w’ahyɛdeɛ ne si atee.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Edwein 57:7

Ao Nyameɛ, m’ahone asiesie ye nwo, m’ahone asiesie ye nwo! Ngɔto dwein ngɔye wɔ ayɛ.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Mateo 5:19

Yiti ebiala bɔ ɔkɔto mmeraa ne anu kaaba ko bɔ ɔwɔ nu po, ná okohyirehyire mmenia kyɛ bɛyɔ sɔ bie nen, bɛkɔfrɛ ye kwahweabaa wɔ nyameɛso ahennie ne anu. Nakoso sona bɔ okoli so, ná okohyirehyire mmenia maa bekoli so bie nen, ɔkɔyɛ titire wɔ nyameɛso ahennie ne anu.

Mateo 7:24

“Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Asomafoɛ 1:1

O Tiofilo, me nwomaa bɔ ngyerɛle bɔ oli moa ne anu ne, ngane nikyee biala bɔ Yesu yɔle, ná ohyirele fi mmerɛ bɔ ɔhyɛle ye adwuma bo

Deuteronomi 16:12

Kaye kyɛ né ɛte kanga wɔ Misraim, ná di sɔ ahyɛdeɛ nemɔ aso nahorɛ nu.

Deuteronomi 33:10

Bekohyire Yakob wɔ nhyehyɛleɛ ne, ná bahyire Yisrael wɔ mmeraa ne; bɛkɔfa ayirefona bɛkɔwa wɔ nyunu, ná babɔ afɔleɛ mumua yeralɛ wɔ w’afɔleɛ bokyea ne aso.

1 Timoteo 3:2

Ɔsɛ kyɛ neafoɛ ne ɔyɛ sona bɔ ngekalewa biala nne ye bra nu ɔ, ɔye yɛ komapɛ, ye nye la berɛ, ye nye dwo ase, ye suban te paa, okuro ɛwɔfoɛsolɛ, ɔse ngyerɛkyerɛ yɛ,

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

Tito 2:1

Na wɔ de, ngyerɛkyerɛ sannwuu yeɛ ɔsɛ kyɛ ekyire ɔ.

Tito 2:15

Fa tumi amukoraa kã ɛhemɔ, tu ye nwo foɛ, ná twi bɛ nyunu. Nnɛma ebiala fa wɔ nyunu twitwi ase.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”