Ɛsra 7:1 - AHYERƐLƐ KRONGRON

¹ Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,

Ɛsra 7:1 Iomraidhean Croise

2 Ahemvo 22:4

“Kɔ ɔsɔfo panyi Hilkia berɛ. Na esikaa amukoraa bɔ fotoɛ so neafoɛ nemɔ badide bafi mmenia ne berɛ bafa bawa AWURADE awuro ne, maa ɔha.

2 Ahemvo 22:8

Yeɛ ɔsɔfo panyi Hilkia sele ahyerɛlɛniɛ Safan kyɛ, “Manwu mmeraa nwomaa ne wɔ AWURADE awuro berɛ.” Hilkia fale nwomaa ne mane Safan ne, Safan kengale.

2 Ahemvo 25:18

Nebusaradan bɔ ɔte awɛmvoɛ nemɔ aso safohene ne, ɔhyele ɛhemɔ nnure: ɔsɔfo panyi Seraya, Sefania bɔ ɔsɔfo panyi nne berɛ a, yeɛ ɔwɔ berɛ ne, yeɛ mmenia nza bɔ bɛwɛne asɔneyɛɛ sua anoa ne.

1 Aberɛso Dwirɛ 9:11

Asaria bɔ ye baba ole Hilkia, bɔ ye baba ole Mesulam, bɔ ye baba ole Sadoke, bɔ ye baba ole Merayote, bɔ ye baba ole Ahitubo, bɔ ɔte Nyameɛ awuro berɛ so neafoɛ ne,

2 Aberɛso Dwirɛ 34:15

Yeɛ Hilkia sele ahyerɛlɛniɛ Safan kyɛ, “Manwu mmeraa nwomaa ne wɔ AWURADE awuro berɛ.” Na Hilkia fale nwomaa ne mane Safan.

2 Aberɛso Dwirɛ 34:9

Bɛhɔle ɔsɔfo panyi Hilkia berɛ. Na esikaa bɔ bafa bawa Nyameɛ awuro ne, bɔ Lewifoɛ bɔ bɛte anoa awɛmvoɛ ne, badide bafi Manase ne Efraim ne Yisraelfoɛ ngaa amukoraa ne Yuda ne Benyamin amukoraa ne Yerusalemfoɛ berɛ ne, bɛfa bɛmane ye.

Ɛsra 4:7

Yeɛ Pɛsia hene Atasɛsɛse aberɛ so koso, Bislam, Mitredate, Tabeel ne bɛ mmango ngaa nemɔ bɛhyerɛle krataa bɛɛmane Pɛsia hene Atasɛsɛse. Bɛhyerɛle krataa ne Aramaeke dwudwolɛ nu, na bɛtele ye noa wɔ ye dwudwolɛ nu behyirele ye.

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Ɛsra 7:10

Ofikyɛ né Ɛsra watu ye nwo wasie berɛ kyɛ okosua AWURADE mmeraa ne, kyɛ okoli so, ɔne kyɛ okohyirehyire sɔ ahyɛdeɛ ne ɔne nhyehyɛleɛ ne wɔ Yisrael.

Ɛsra 7:12

“Me Atasɛsɛse, ahemvo mɔ nu hene, mefa krataa ye mema ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne. Mebisa wɔ oo. M’ahyɛdeɛ ne ɛhe:

Ɛsra 7:2

bɔ ye baba ole Salum, bɔ ye baba ole Sadoke, bɔ ye baba ole Ahitubo,

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Nehemia 11:11

Seraya bɔ ye baba ole Hilkia, bɔ ye baba ole Mesulam, bɔ ye baba ole Sadoke, bɔ ye baba ole Merayote, bɔ ye baba ole Ahitubo bɔ ɔnea Nyameɛ awuro ne aso ne,

Nehemia 2:1

Nana Atasɛsɛse lili bia ne, ye afoɛ bɔ ɔtɔ so aburanyɔ ne anu, bosome bɔ bɛfrɛ ye Nisan ne anu, ɛlɛho bie, né nzaa gyi Nana nyunu, na nzuli ye. Sɔ mmerɛ ne, né Nana Atasɛsɛse onnwuni kyɛ me wora abɔ wɔ ye nyunu le.

Nehemia 8:1

Bosome bɔ ɔtɔ so nzoo ne dwuli, bɔ né Yisraelfoɛ baatenatena bɛ nguro nemɔ aso nen, Yisraelfoɛ amukoraa bɛbɔle nu bɛɛbɔle dwaa wɔ nekaa bɔ bɛbɔ dwaa wɔ Nzue Pambim ne anyunu. Na besele ahyerɛlɛniɛ Ɛsra kyɛ Mose mmeraa nwomaa bɔ AWURADE afa ama Yisrael ne, ɔfa bra.