Ɛsra 6:6 - AHYERƐLƐ KRONGRON

⁶ “Yiti wɔ Tatenae bɔ ɛte asue Yufreti si mbɔtam amrado ne, ɛne Seta Bosenae ne ɛmɔ mmango maen mbanyi bɔ bɛwɔ asue Yufreti si mbɔtam dɔ ne, nnɛma ɛmɔsi asɔneyɛɛ sua ne silɛ nwo ate.

Ɛsra 6:6 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Gyenesise 43:14

Ɛdangama Nyameɛ ɔ́ma biaa ne ónwu ɛmɔ anwumvoin, na ɔ́ma ɛmɔ aliɛma ko ne, ɔne Benyamin besa bɛbra. Sɛ ɔba kyɛ odi kyɛ mma mɔ befi me sa a, ɔyɛ sɔ.”

Ɛsra 4:9

(Bɛhyerɛle ye kyɛ, Krataa ne fi ɛhemɔ berɛ: Amrado Rehum ne ahyerɛlɛniɛ Simsae, yeɛ bɛ mmango ngaa nemɔ, ndɛenbualɛfoɛ, amrado mɔ, mbanyi mɔ, Pɛsiafoɛ; bɛ bɔ befi Ɛreke, Babilɔn, Susa bɔ bɛfrɛ bɛ Elamfoɛ ne,

Ɛsra 5:3

Sɔ mmerɛ ne ala, asue Yufreti si mbɔtam amrado Tatenae, ɔne Seta Bosenae ne bɛ mmango mɔ bɛwale Yudafoɛ berɛ beebisale bɛ kyɛ, “Nwa yeɛ ɔmane ɛmɔ ate kyɛ ɛmɔsa besi sua ye, ná ɛmɔto ye nwo fasue ɔ?”

Ɛsra 5:6

Asue Yufreti si mbɔtam amrado Tatenae ne Seta Bosenae ne ye mmango maen mbanyi bɔ bɛwɔ asue Yufreti si dɔ ne, krataa bɔ bɛhyerɛ bɛɛmane Nana Dario ne, ye ɛhe:

Ɛsra 6:13

Afei mmuayɛɛ bɔ Nana Dario maa bɛɛfa bɛmane asue Yufreti si mbɔtam amrado Tatenae, ɔne Seta Bosenae ne bɛ mmango mɔ ne, belili sɔ mmeraa ne aso pɛpɛɛpɛ, kyɛbɔ ɔhyɛle ne ala.

Ɛsra 6:7

Nyameɛ awuro ne nwo adwuma ne, nnɛma ɛmɔsi ye nwo ate; na mmom ɛmɔhwe bɛ nwo ma Yudafoɛ amrado ne, ɔne Yudafoɛ mbanyi besa besi Nyameɛ awuro he besie ye boso.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Yesaya 27:8

Bɛ bɔne so yeɛ egyinane pɛle bɛ asue ɔ. Ɔfale ye nwomeɛ suronyisuronyi ne foane bɛ kyɛ eyia afiteleɛ mvrama anoa serɛserɛ kyẽa ne.

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.