Ɛsra 6:3 - AHYERƐLƐ KRONGRON

³ Nana Karose afoɛ bɔ oli moa wɔ ye ahennie ne anu ne, ɔhyɛle mmeraa tole berɛ kyɛ, Mmeraa he fa Nyameɛ awuro bɔ ɔwɔ Yerusalem ne anwo. Mama ate kyɛ besa besi sua ne bɛfa bɛyɛ nekaa bɔ bɛbɔ afɔleɛ ɔ. Ofi ye aseɛnwo bɔ ɔkwaadwu ye anwuro ne, ɔkɔyɛ agyirɛ aburasia, yeɛ ye tɛtrɛtɛɛ nu koso kɔyɛ agyirɛ aburasia.

Ɛsra 6:3 Iomraidhean Croise

2 Aberɛso Dwirɛ 2:3

Solomon tole Tiro hene Huram ngraa kyɛ, “Mmerɛ bɔ me baba Dawide osi ye ahemvie ne, ɛbrɛle ye sida.

2 Aberɛso Dwirɛ 2:6

Na nwa koraa yeɛ ɔkɔhora kosi sua kɔma ye ɔ, ofikyɛ nyameɛso anwuro anwuro dɔ po ne, berɛ te kãa ma ye. Me ole nwa bɔ odi kyɛ mesi sua mema ye ɔ, sana nekaa bɔ bɛkɔbɔ afɔleɛ wɔ ye nyunu ɔ?

2 Aberɛso Dwirɛ 36:22

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne kɔwa nu ne, AWURADE kanyane Pɛsia hene Karose. Yiti Karose tuli ɛbɔfoɛ mɔ maa bɛɛbɔle edwirɛ ne dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 3:7

Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Edwein 122:4

Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Nyekyire 21:16

Kuro ne bɔ ɔla berɛ ne, ɔte ahinanan, ye tendenn ne ye tɛtrɛtɛɛ bɛte pɛ. Na ɔfale ye pɔmaa ne susuli kuro ne, ɔte kwanzii apee ko ɛyaa nnu; ye tendenn nu ne ye tɛtrɛtɛɛ nu ne kyɛbɔ osi kɔ anwuro ne bɛte pɛ.