Ɛsra 6:22 - AHYERƐLƐ KRONGRON

²² Bele anigye belili Paanoo Kabrɛdi aluolue ne ɛlɛsoo. Bɛ nye gyele, ofikyɛ né AWURADE ama Asiria hene anwu bɛ anwumvoin, bɔ ɔnate so ɔbokale bɛ wɔ Nyameɛ, Yisrael Nyameɛ ne, ye awuro ne silɛ nu ɔ.

Ɛsra 6:22 Iomraidhean Croise

2 Ahemvo 23:29

Ye aberɛ so, Misraim hene Faro Neko hɔle ɔɔbokale Asiria hene wɔ koɛ nu wɔ asue Yufreti nwo. Nana Yosia fale koɛ ɔɔtoale Faro Neko. Nakoso Faro Neko yiale Yosia wɔ Megido ne, ohuni Yosia.

2 Aberɛso Dwirɛ 23:18

Na Lewifoɛ bɔ bɛte asɔfo bɔ Dawide ahyehyɛ ato berɛ kyɛ bɛnea AWURADE awuro ne aso ne, Yehoada fale AWURADE awuro berɛ adwuma ne wurale bɛ sa, kyɛ bɛfa ahurusililɛ ne edweintolɛ bɛbɔ naen yeralɛ afɔleɛ bɛma AWURADE, kyɛbɔ bahyerɛ ye wɔ Mose mmeraa ne anu, ɔne kyɛbɔ Dawide ahyehyɛ ato berɛ ne.

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

2 Aberɛso Dwirɛ 30:21

Yisraelfoɛ bɔ né bɛwɔ Yerusalem ne, bele anigye piri belili Paanoo Kabrɛdi aluolue ne ɛlɛsoo, na Lewifoɛ ne asɔfo nemɔ yele AWURADE ayɛ daa biala. Bɛfale edweintolɛ nningyein bɛyele AWURADE ayɛ.

2 Aberɛso Dwirɛ 33:11

Yiti AWURADE mane Asiria hene safohene mɔ bɛfale koɛ bɛɛtoale bɛ. Bɛhyele Manase nnure, beguale ye kɔɔbere ngɔnzɔngɔnzɔ, bɛfale kɔɔbere bɛkyekyele ye, na bɛfale ye bɛhɔle Babilɔn.

2 Aberɛso Dwirɛ 35:17

Yisraelfoɛ bɔ né bɛwɔ berɛ ne, belili Abɔtra aluolue ne sɔ mmerɛ ne, na belili Paanoo Kabrɛdi aluolue ne ɛlɛsoo.

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 6:1

Afei Nana Dario hyɛle mmeraa maa bɛɛpenane sɔ ngrataa ne wɔ nekaa bɔ besie ngrataa wɔ Babilɔn ne.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Nehemia 13:6

Mmerɛ bɔ ɛhe amukoraa ɔkɔ so nen, né nne Yerusalem, ofikyɛ Babilɔn hene Atasɛsɛse ye ahennie afoɛ bɔ ɔtɔ so aburasa ne nyɔ ne anu, ngɔle ye berɛ. Na mmerɛ kãa pɛle nu ne, nzrɛle Nana ate,

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Hesekiel 23:23

Babilɔnfoɛ, yeɛ Kaldeafoɛ amukoraa, Pekode, Soa, Koa, yeɛ Asiriafoɛ amukoraa bɔ bɛboka bɛ so ɔ, bɔ bɛ mukoraa bɛte mmerandeɛ bɔ bɛ nwo yɛ nyemene ɔ, amrado mɔ ne safohene mɔ, atitire ne koɛhonɛfoɛ, bɔ bɛ mukoraa bɛtete mbɔngɔ so ɔ.

Mateo 26:17

Na Paanoo kabrɛdi aluolue kyẽa bɔ oli moa ne, asuafoɛ nemɔ wale Yesu berɛ beebisale ye kyɛ, “Nisua yeɛ ekuro kyɛ yɛkosiesie maa ekodi Abɔtra aleɛ ne ɔ?”

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”