Ɛsra 6:21 - AHYERƐLƐ KRONGRON

²¹ Yisraelfoɛ bɔ befili nnurehyelɛ nu bɛwale ne, bɛ ne ebiala bɔ ɔwɔ maen ne anu, bɔ waaboka Yisraelfoɛ so ɔne bɛ bate bɛ nwo bafi Amaenmaensofoɛ yɔleɛ fiɛ nwo, kyɛ bɛkɔso AWURADE Yisrael Nyameɛ ne, bɛ yeɛ belili Abɔtra boaen ne ɔ.

Ɛsra 6:21 Iomraidhean Croise

2 Aberɛso Dwirɛ 30:19

ebiala bɔ waye ye ahone nu kyɛ ɔkɔso Nyameɛ, AWURADE ye nana mɔ Nyameɛ ne, ɔ́fa ye bɔne ɔ́hyɛ ye, ɔwɔ nu kyɛ wamva nekaa krongron berɛ nhyehyɛleɛ ne aso wambete ye nwo de.”

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Ɛsra 9:11

bɔ ɛnate wɔ somvoɛ mɔ so ɛhyɛle kyɛ, ‘Aseɛ bɔ ɛmɔkwaafa bɛtena so ne, ɔte aseɛ bɔ so ama nemɔ bafa bɛ bra fiɛ ne b’akyiwadeɛ yɔleɛ bahã ye ɔ. Bafa bɛ yɔleɛ fiɛ bayi ye tɛkyɛ fi ye ti kɔka ye ti.

Nehemia 10:28

Maen ne ngaa ne, asɔfo nemɔ, Lewifoɛ nemɔ, anoa awɛmvoɛ nemɔ, edweintolɛfoɛ nemɔ, asɔneyɛɛ sua nu somvoɛ nemɔ, ɔne ebiala bɔ wahwe ye nwo wafi aseɛ ne aso ama nwo kyɛ okoli Nyameɛ mmeraa so ne, bɛ ne bɛ ye mɔ, bɛ mma mmienzua, bɛ mma mmrasua, ɔne ebiala bɔ ole nimdeɛ ne nworɛ ɔ,

Nehemia 9:2

Na Yisraelfoɛ ne, bɛhwene bɛ nwo befili amanvrafoɛ amukoraa anwo, na begyinane bɛ gya so bɛhane bɛ bɔne ne bɛ nana mɔ b’amumuyɛɛ.

Edwein 93:5

Wɔ noa dwirɛ te nahorɛ turoloo; ao AWURADE, krongronyɛlɛ fata w’awuro afebɔɔ.

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.