Ɛsra 6:15 - AHYERƐLƐ KRONGRON

¹⁵ Beyiele awuro ne si wɔ kyẽa bɔ ɔtɔ so nza wɔ bosome bɔ bɛfrɛ ye Ada ne anu, wɔ Nana Dario ahennie afoɛ bɔ ɔtɔ so nzia ne anu.

Ɛsra 6:15 Iomraidhean Croise

1 Ahemvo 8:63

Solomon fale nandwie apee aburanyɔ ne nyɔ ne mmoaen apee ɛyaa ko ne aburanyɔ bɔle asomdwee afɔleɛ mane AWURADE. Yiti AWURADE awuro ne, Nana Solomon ne Yisraelfoɛ amukoraa betu bewurale AWURADE sa.

Ɛsra 4:24

Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.

Ɛsra 5:16

Na ɛhe mane sɔ Sesebasa ne tole Nyameɛ awuro bɔ ɔwɔ Yerusalem ne fapem, na sua ne nwo adwuma ahɔ so alaa fi sɔ mmerɛ ne maa waadwu ɛnɛ, bɔ yɛnnya yɛyyiele ye si ɔ.’

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Ɛseta 3:13

Bɛfale ngrataa nemɔ bɛsomane mmenia bɔ bɛ nwo yɛ nyera ɔ maa bɛfa bɛhɔle Nana Ahasuro manzini ne amukoraa nu. Nu dwirɛ kyire kyɛ, beli Yudafoɛ awue, behũ bɛ ná benua bɛ mukoraa bɛ boso: mmerandeɛ ne mbanyi, mmrasua ne ngwadaa ɛlɛhomapɛ, bɔ sɔ kyẽa ne te kyẽa bɔ ɔtɔ so buru ne nza wɔ bosome buru ne nyɔ, bɔ ye ole Ada ne anu. Osa ka kyɛ bɛfẽ bɛ nningyein bɛfa.

Ɛseta 3:7

Nana Ahasuro lili bia ne, ye afoɛ buru ne nyɔ ne anu, bosome bɔ oli moa, bɔ bɛfrɛ ye Nisan ne anu, beguale serewa wɔ Haman nyunu. Bɛfrɛ serewagualɛ ne Pure. Bɛfa bɛpenane kyẽa ne bosome bɔ ɔkɔfa konua Yudafoɛ boso ɔ. Na serewagualɛ ne yele kyẽa bɔ ɔtɔ so buru ne nza wɔ bosome bɔ ɔtɔ so buru ne nyɔ bɔ bɛfrɛ ye Ada ne.

Ɛseta 8:12

Mmeraa bɔ bɛhyɛle, bɔ betuli kyẽa ko besiele berɛ kyɛ ahaa bekohu Yudafoɛ wɔ Nana Ahasuro manzini amukoraa nu, bɔ ɔte kyẽa bɔ ɔtɔ so buru ne nza, wɔ bosome bɔ ɔtɔ so buru ne nyɔ bɔ oli Ada ne anu ne, mmeraa foforɛ tuli sɔ mmeraa daa ne guale.

Ɛseta 9:1

Bosome bɔ ɔtɔ so buru ne nyɔ, bɔ oli Ada ne, ye kyẽa bɔ ɔtɔ so buru ne nza ne aso, bɔ né bɛbaafa Nana Ahasuro mmeraa ne ye krataa ne bɛyɔ adwuma ne, sɔ kyẽa ne ala yeɛ né Yudafoɛ bɛ pɔfoɛ mɔ batu basie berɛ kyɛ bekohũhũ Yudafoɛ ɔ. Nakoso wamma ye sɔ. Ɔyɛle kyẽa bɔ Yudafoɛ belili bɛ pɔfoɛ mɔ so ngonim ɔ.

Ɛseta 9:15

Bosome bɔ oli Ada ne, ye kyẽa bɔ ɔtɔ so buru ne nna ne, Yudafoɛ bɔ bɛwɔ Susa ne boale bɛ noa bieku, na behuhuni mmenia ɛyaa nza wɔ Susa, nakoso bɛ nningyein de, bamva bɛ sa banga ye.

Ɛseta 9:17

Bosome bɔ oli Ada ne, ye kyẽa bɔ ɔtɔ so buru ne nza ne yeɛ sɔ dwirɛ ne sili ɔ. Sɔ bosome ne, ye kyẽa bɔ ɔtɔ so buru ne nna ne, belele bɛ nwome, na bɛfa bɛkakyili ɛpoentolɛ ne anigye kyẽa.

Ɛseta 9:19

Ye sɔ ne ati, Yudafoɛ bɔ bɛwɔ namue nemɔ anu, bɔ fasue nne bɛ nguro nemɔ anwo ne, batu bosome Ada, ye kyẽa bɔ ɔtɔ so buru ne nna ne basie berɛ kyɛ ɔte anigye ne ɛpoentolɛ kyẽa, na ɔte nwomelelɛ kyẽa bɔ bɛkyekyɛ bɛ nwo bɛ nwo aleɛ ɔ.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.