Biblia Todo Logo
Bìoball air-loidhne

- Sanasan -




Ɛsra 6:14 - AHYERƐLƐ KRONGRON

14 Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Faic an caibideil Dèan lethbhreac




Ɛsra 6:14
25 Iomraidhean Croise  

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.


Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.


Nakoso Serubabɛl ne Yesua ne Yisrael mmusua mbanyi ngaa nemɔ buale bɛ kyɛ, “Yɛngɔma ɛmɔ ngɔboka yɛ so wɔ yɛ Nyameɛ awuro ne ye silɛ nu, na mmom yɛ ngome yeɛ yɛkosi AWURADE Yisrael Nyameɛ awuro ne ɔ, kyɛbɔ Pɛsia hene Karose ahyɛ kyɛ yɛyɔ ne ala.”


Sɔ mmerɛ ne anu, ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhane Nyameɛ noa dwirɛ behyirele Yudafoɛ bɔ bɛwɔ Yuda ne Yerusalem. Begyinane Yisrael Nyameɛ dumaa bɔ ɔla bɛ so ne aso yeɛ bɛhane edwirɛ ne ɔ.


Na Babilɔn hene Karose lili bia ne, ye afoɛ bɔ oli moa ne anu, ɔhyɛle mmeraa kyɛ yɛsa yɛsi Nyameɛ awuro he.


Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.


Nana Karose afoɛ bɔ oli moa wɔ ye ahennie ne anu ne, ɔhyɛle mmeraa tole berɛ kyɛ, Mmeraa he fa Nyameɛ awuro bɔ ɔwɔ Yerusalem ne anwo. Mama ate kyɛ besa besi sua ne bɛfa bɛyɛ nekaa bɔ bɛbɔ afɔleɛ ɔ. Ofi ye aseɛnwo bɔ ɔkwaadwu ye anwuro ne, ɔkɔyɛ agyirɛ aburasia, yeɛ ye tɛtrɛtɛɛ nu koso kɔyɛ agyirɛ aburasia.


Afei, bɔ ɔsɛ kyɛ ɛmɔyɔ bɛboka sɔ Yudafoɛ mbanyi nemɔ maa besa besi Nyameɛ awuro he ne, mahyɛ ye nwo mmeraa kyɛ, ahemvie fotoɛ, bɔ ɔte ɛtoɔ bɔ yɛde yɛfi asue Yufreti si mbɔtam ne, odi kyɛ ɛmɔfa betua awuro ne anwo kerɛ amukoraa bɛma bɛ ndɛndɛ.


Ɛhemɔ asi ne, Pɛsia hene Atasɛsɛse aberɛ so, Ɛsra bɔ ye baba ole Seraya, bɔ ye baba ole Asaria, bɔ ye baba ole Hilkia,


Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.


Yiti yɛyiele fasue ne tolɛ bosome bɔ bɛfrɛ ye Elul ne, ye kyẽa bɔ ɔtɔ so aburanyɔ ne nnu ne aso. Yɛfale ngyẽa aburannu ne nyɔ yeɛ yɛtole ɔ.


Me yeɛ mekã mefa Karose nwo kyɛ, ‘Ɔte me mmoaenneafoɛ, na ɔkɔma me botaeɛ amukoraati kɔwa nu’; yeɛ mekã mekyire Yerusalem kyɛ, ‘Bɛkɔkyekye wɔ bieku,’ yeɛ mekã mekyire asɔneyɛɛ sua ne kyɛ, ‘Bekosa bɛkɔto wɔ fapem ne.’ ”


Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,


Yiti ɛmɔhɔ bokaa ne aso bɛɛfa mmakaa bɛbra beesi awuro ne. Me nye kɔgye ye nwo, na ngɔla m’animnyam ali, AWURADE noa dwirɛ ɛne.


Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,


Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.


“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.


Asafo AWURADE nwa nyoo, “Ɛ́mɔmia ɛmɔ nye, amaa ɔnate so ɛmɔasi asɔneyɛɛ sua ne, ɛmɔ bɔ sɔ mmerɛ ye anu ɛmɔate edwirɛ hemɔ bafi ngɔmhyɛlɛfoɛ nemɔ bɛ noa ne, ngɔmhyɛlɛfoɛ bɔ né bɛwɔ berɛ ofi kyẽa bɔ bɛtole Asafo AWURADE awuro ne fapem nen.


Lean sinn:

Sanasan


Sanasan