Ɛsra 6:12 - AHYERƐLƐ KRONGRON

¹² Na sɛ ɛhene bie anaa maen bie otu sɔ mmeraa ne gua, anaakyɛ ɔsɛkye Nyameɛ awuro he bɔ ɔwɔ Yerusalem ne a, Nyameɛ bɔ wama ye dumaa ala Yerusalem so ne, ótu sɔ hene ne anaa ɔ́bɔ sɔ maen ne. Me, Dario yeɛ mahyɛ sɔ mmeraa ye ɔ, na odi kyɛ bedi so pɛpɛɛpɛ!”

Ɛsra 6:12 Iomraidhean Croise

1 Ahemvo 9:3

AWURADE sele ye kyɛ, “Mate wɔ mbaeɛ ne wɔ dwirɛ bɔ afa ato me nyunu ne. Sua bɔ asi afa me dumaa ato so afebɔɔ ne, mate ye nwo maa wayɛ krongron. Me nye koli ye si, na ɔkɔla m’ahone nwo daa biala.

2 Aberɛso Dwirɛ 7:16

Na afei, awuro he, mate ye nwo maa wayɛ krongron, amaa me dumaa ala so afebɔɔ. Me nye koli ye si, na ɔkɔla m’ahone nwo daa biala.

Ɛsra 6:13

Afei mmuayɛɛ bɔ Nana Dario maa bɛɛfa bɛmane asue Yufreti si mbɔtam amrado Tatenae, ɔne Seta Bosenae ne bɛ mmango mɔ ne, belili sɔ mmeraa ne aso pɛpɛɛpɛ, kyɛbɔ ɔhyɛle ne ala.

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Ɛsra 7:15

Asa koso, ɛdwetɛ ne sikaa kɔkorɛ bɔ me Atasɛsɛse, me ne me foɛtulɛfoɛ mɔ yaye yɛ kunu yafa yabɔ afɔleɛ yama Yisrael Nyameɛ bɔ ɔte Yerusalem ne, fa boka so kɔ.

Ɛsra 7:17

Wɔ sa kã sɔ sikaa ne a, nea kyɛ ɛkɔfa kɔtɔ nandwie nyii mɔ, mmoaen nyii, mmoaen akrɔngrɔma, yeɛ b’aburoo afɔleɛ ne anonneɛ afɔleɛ. Na sɔ nningyein ne, fa bɔ afɔleɛ wɔ afɔleɛ bokyea bɔ ɔwɔ ɛmɔ Nyameɛ awuro wɔ Yerusalem ne aso.

Ɛsra 7:26

Na sona biala bɔ wanni wɔ Nyameɛ mmeraa ne aso, ɔne me, Nana Atasɛsɛse me mmeraa so ne, ɔsɛ kyɛ bebua ye fɔ bɛtwe ye so ndɛndɛ: kyɛ bekobua ye ewue foɛ oo, anaa bɛkɔpɛ ye asue oo, anaa bekole ye nwo nningyein oo, anaa bɛkɔto ye kuku nu oo.”

Ɛseta 8:14

Yiti ɛbɔfoɛ anwonyeralɛfoɛ nemɔ, bɛtenatenane ahemvie mbɔngɔ bɔ bɛ nwo yɛ nyera ɔ so. Na begyinane Nana Ahasuro mmeraa ne aso besili nu bɛhɔle ndɛndɛ. Susa ahemvie berɛ yeɛ bɛhyɛle sɔ mmeraa ne ɔ.

Edwein 5:10

Ao Nyameɛ, ma bɛ bɔne ɔbɔ bɛ ti so, na bɛ bɔbɔ bɛ ngaen bɔ basua ne, maa ɔhye bɛ. Bɛ mmeraatolɛ worawora ne ati, foa bɛ fi wɔ nyunu, ofikyɛ bayɛ wɔ nwo lɔen.

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yesaya 60:12

Ofikyɛ maen anaa ahennie bɔ ɔngɔso wɔ ne, okogu; na bɛkɔbɔ sɔ maen nemɔ bɔkɔɔ.

Obadia 1:10

Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Asomafoɛ 9:5

Na obuale kyɛ, “Wɔ nwa ɛne, Awurade?” Na osele kyɛ, “Me ole Yesu bɔ ɛtane ye nye ne, [ɔyɛ se kyɛ ekotu wɔ gya kɔfa kɔwɔ nandwiehanɛniɛ ye pɔmaa noa buralɛ ɔ],

Deuteronomi 12:11

ye de nekaa bɔ AWURADE ɛmɔ Nyameɛ kɔneanea nu kɔye kosie berɛ kyɛ ɔ́ma ye dumaa da so nen, berɛ yeɛ ɛ́mɔfa nningyein bɔ méhyɛ ɛmɔ ne amukoraati bɛhɔ ɔ: ɛmɔ naen yeralɛ afɔleɛ ne ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɔne ɛmɔ aboadeɛ afɔleɛ paa mukoraati bɔ ɛmɔfa bɛhyɛ AWURADE bɔ ɔ.

Deuteronomi 12:5

Na mmom ɔsɛ kyɛ ɛmɔpena aseɛ bɔ AWURADE ɛmɔ Nyameɛ kɔneanea nu kɔye kosie berɛ wɔ ɛmɔ abusua kure ne amukoraati nu, kyɛ ɔ́fa ye dumaa to so ná ɔtena berɛ ne, na berɛ yeɛ ɛmɔhɔ ɔ.

Deuteronomi 16:2

Abɔtra afɔleɛ ne, ku mmoaen ne nandwie ma AWURADE wɔ Nyameɛ, wɔ nekaa bɔ AWURADE wɔ Nyameɛ kɔneanea nu kɔye kosie berɛ kyɛ ɔ́ma ye dumaa da so ne.