Ɛsra 6:10 - AHYERƐLƐ KRONGRON

¹⁰ amaa ɔnate so babɔ afɔleɛ fonafona bama nyameɛso Nyameɛ ne, ná babɔ mbaeɛ bama me, ɛhene ne me mma.

Ɛsra 6:10 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Ɛsra 6:9

Asɔfo bɔ bɛwɔ Yerusalem ne, nikyee biala bɔ bɛkɔhã kyɛ behia ne, kyɛ nandwie akrɔngrɔma oo, mmoaen nyii oo, mmoaen bɔ bɛkɔfa bɛkɔbɔ naen yeralɛ afɔleɛ bɛkɔma nyameɛso Nyameɛ ne oo, atokoɔ oo, ngyee oo, nzaa oo, anaa ngoo oo, kyɛ ɔkɔyɛ biala, ɛ́mɔma bɛ sa hã ye alehyeleɛ biala;

Ɛsra 7:23

Nyameɛso Nyameɛ ne, ahyɛdeɛ biala bɔ ɔkɔhyɛ kɔfa ye awuro ne anwo ne, odi kyɛ ɛmɔyɔ ye pɛpɛɛpɛ bɛma nyameɛso Nyameɛ ne. Anyɔ a, ɔkɔfɛ me Nana Atasɛsɛse, me ne me mma y’ahennie so yaa.

Ɛksadɔso 12:32

Ɛ́mɔfa ɛmɔ mmoaen ne ɛmɔ nandwie mɔ, ná ɛ́mɔfi wa bɛhɔ, kyɛbɔ ɛmɔhane nen, ná ɛ́mɔyira me koso.

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Daniel 2:46

Yeɛ Nana Nebukadenesa fale ye nyunu butuli berɛ, ɔfale anidie mane Daniel, na ɔhyɛle kyɛ bɛbɔ aleɛ afɔleɛ ne ɛyɛɛ afɔleɛ bɛma Daniel.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.