Ɛsra 5:3 - AHYERƐLƐ KRONGRON

³ Sɔ mmerɛ ne ala, asue Yufreti si mbɔtam amrado Tatenae, ɔne Seta Bosenae ne bɛ mmango mɔ bɛwale Yudafoɛ berɛ beebisale bɛ kyɛ, “Nwa yeɛ ɔmane ɛmɔ ate kyɛ ɛmɔsa besi sua ye, ná ɛmɔto ye nwo fasue ɔ?”

Ɛsra 5:3 Iomraidhean Croise

Ɛsra 1:3

Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Ɛsra 4:12

Nana, yɛbɔ wɔ amaneɛ kyɛ, Yudafoɛ bɔ befili wɔ dɔ bɛwale yɛ wa ne, baadwu Yerusalem, na besa bɛkyekye ɛlɔenyɛlɛfoɛ ne amumuyɛɛfoɛ kuro ne bieku. Fasue ne, basa bagua ye fapem ne maa wanya anwoserɛ, na waha kãa né bayie ye to.

Ɛsra 4:9

(Bɛhyerɛle ye kyɛ, Krataa ne fi ɛhemɔ berɛ: Amrado Rehum ne ahyerɛlɛniɛ Simsae, yeɛ bɛ mmango ngaa nemɔ, ndɛenbualɛfoɛ, amrado mɔ, mbanyi mɔ, Pɛsiafoɛ; bɛ bɔ befi Ɛreke, Babilɔn, Susa bɔ bɛfrɛ bɛ Elamfoɛ ne,

Ɛsra 5:6

Asue Yufreti si mbɔtam amrado Tatenae ne Seta Bosenae ne ye mmango maen mbanyi bɔ bɛwɔ asue Yufreti si dɔ ne, krataa bɔ bɛhyerɛ bɛɛmane Nana Dario ne, ye ɛhe:

Ɛsra 5:9

Yɛbisale bɛ mbanyi nemɔ kyɛ, ‘Nwa yeɛ ɔmane ɛmɔ ate kyɛ ɛmɔsa besi sua ye ná ɛmɔto ye nwo fasue ɔ?’

Ɛsra 6:13

Afei mmuayɛɛ bɔ Nana Dario maa bɛɛfa bɛmane asue Yufreti si mbɔtam amrado Tatenae, ɔne Seta Bosenae ne bɛ mmango mɔ ne, belili sɔ mmeraa ne aso pɛpɛɛpɛ, kyɛbɔ ɔhyɛle ne ala.

Ɛsra 6:6

“Yiti wɔ Tatenae bɔ ɛte asue Yufreti si mbɔtam amrado ne, ɛne Seta Bosenae ne ɛmɔ mmango maen mbanyi bɔ bɛwɔ asue Yufreti si mbɔtam dɔ ne, nnɛma ɛmɔsi asɔneyɛɛ sua ne silɛ nwo ate.

Ɛsra 7:21

“Me Nana Atasɛsɛse, mahyɛ mmeraa he mama fotoɛsoneafoɛ amukoraa bɔ bɛwɔ asue Yufreti si mbɔtam kyɛ, nikyee biala bɔ ɔsɔfo Ɛsra bɔ ɔte nyameɛso Nyameɛ ye mmeraa ahyerɛlɛniɛ ne okobisa kofi ɛmɔ berɛ ne, ɛ́mɔnea kyɛ ɛmɔkɔma ye sa kɔhã ye ndɛndɛ ɔ;

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Asomafoɛ 4:7

Bɛfale bɛ beegyinane bɛ nyunu berɛ, na bebisale bɛ kyɛ, “Tumi beni yeɛ ɛmɔgyi so, anaa dumaa beni yeɛ ɛmɔfale so bɛyɔle sɔ nikyee ne ɔ?”