Ɛsra 5:16 - AHYERƐLƐ KRONGRON

¹⁶ Na ɛhe mane sɔ Sesebasa ne tole Nyameɛ awuro bɔ ɔwɔ Yerusalem ne fapem, na sua ne nwo adwuma ahɔ so alaa fi sɔ mmerɛ ne maa waadwu ɛnɛ, bɔ yɛnnya yɛyyiele ye si ɔ.’

Ɛsra 5:16 Iomraidhean Croise

Ɛsra 3:10

Suasilɛfoɛ nemɔ hyɛle ye bo bɔ bɛto AWURADE asɔneyɛɛ sua ne fapem nen, asɔfo mɔ bɔ bawurawura asɔfo ndaadeɛ ɔ behuli totorobɛndo, yeɛ Lewifoɛ bɔ bɛte Asafe bosofoɛ ne koso, bɛbɔle firikyiwa bɛyele AWURADE ayɛ, kyɛbɔ Yisrael hene Dawide hyehyɛ mane bɛ ne ala.

Ɛsra 3:8

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.

Ɛsra 5:14

Asa koso, Nyameɛ awuro sikaa kɔkorɛ ne ɛdwetɛ nningyein bɔ Nebukadenesa sesa fili Yerusalem asɔneyɛɛ sua ne anu ooguale Babilɔn asɔneyɛɛ sua nu ne, Nana Karose sesa fili Babilɔn asɔneyɛɛ sua ne anu. Na biaa bie bɔ oli Sesebasa bɔ Nana Karose wabɔ ye amrado ne, ɔfa wurale ye sa.

Ɛsra 5:15

Osele ye kyɛ, ‘De sɔ nningyein hemɔ. Fa kogua asɔneyɛɛ sua bɔ ɔwɔ Yerusalem bɔ ɔte Nyameɛ awuro ne anu, ná maa besa besi besie ye boso.’

Ɛsra 5:2

Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.

Ɛsra 6:15

Beyiele awuro ne si wɔ kyẽa bɔ ɔtɔ so nza wɔ bosome bɔ bɛfrɛ ye Ada ne anu, wɔ Nana Dario ahennie afoɛ bɔ ɔtɔ so nzia ne anu.

Hagae 2:18

Yiti odi kyɛ ɛmɔdwene ye nwo bɛnea, ofi ɛnɛ bɔ ɔkɔ ɔ, ofi bosome ngona ne anu ye eleburanyɔ ne nna ne aso, bɔ ɔte kyẽa bɔ bɛtole AWURADE asɔneyɛɛ sua ne fapem ne. Ɛ́mɔdwene ye nwo!

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Sakaria 4:9

“Serubabɛl sa yeɛ wato awuro he fapem ɔ, na ye sa yeɛ okosi koyie ɔ. Na afei ɛmɔkonwu kyɛ Asafo AWURADE yeɛ wasoma me ɛmɔ berɛ ɔ.

Yohane 2:20

Yeɛ Yudafoɛ nemɔ bisale ye kyɛ, “Afoɛ aburanna ne nzia yeɛ bɛfa besili asɔneyɛɛ sua he ɔ, na wɔ de, ɛlɛsa yeɛ ɛkɔfa kɔpagya ye kosie berɛ bieku ɔ?”