Ɛsra 5:14 - AHYERƐLƐ KRONGRON

¹⁴ Asa koso, Nyameɛ awuro sikaa kɔkorɛ ne ɛdwetɛ nningyein bɔ Nebukadenesa sesa fili Yerusalem asɔneyɛɛ sua ne anu ooguale Babilɔn asɔneyɛɛ sua nu ne, Nana Karose sesa fili Babilɔn asɔneyɛɛ sua ne anu. Na biaa bie bɔ oli Sesebasa bɔ Nana Karose wabɔ ye amrado ne, ɔfa wurale ye sa.

Ɛsra 5:14 Iomraidhean Croise

2 Aberɛso Dwirɛ 36:18

Nyameɛ awuro berɛ nningyein mbiri mbiri ne mmaa mmaa, nningyein bɔ ɔwɔ AWURADE awuro berɛ nekaa bɔ bɛfa nningyein besie ne, yeɛ Nana Sedekia ne ye mbanyi bɛ nningyein, Babilɔn hene sesale, na ɔfale ye mukoraati hɔle Babilɔn.

2 Aberɛso Dwirɛ 36:7

Asa koso, Nebukadenesa sesale AWURADE awuro berɛ nningyein ne bie hɔle Babilɔn, na ɔfa oosiele ye asɔneyɛɛ so wɔ Babilɔn.

Ɛsra 5:15

Osele ye kyɛ, ‘De sɔ nningyein hemɔ. Fa kogua asɔneyɛɛ sua bɔ ɔwɔ Yerusalem bɔ ɔte Nyameɛ awuro ne anu, ná maa besa besi besie ye boso.’

Ɛsra 5:16

Na ɛhe mane sɔ Sesebasa ne tole Nyameɛ awuro bɔ ɔwɔ Yerusalem ne fapem, na sua ne nwo adwuma ahɔ so alaa fi sɔ mmerɛ ne maa waadwu ɛnɛ, bɔ yɛnnya yɛyyiele ye si ɔ.’

Ɛsra 6:5

Asa koso, Nyameɛ awuro sikaa kɔkorɛ ne ɛdwetɛ nningyein bɔ Nebukadenesa sesa fili Yerusalem asɔneyɛɛ sua ne anu wale Babilɔn ne, mahyɛ kyɛ besa bɛɛfa ebiala begua ye boso wɔ Yerusalem asɔneyɛɛ sua ne anu. Odi kyɛ bɛfa bekogua Nyameɛ awuro berɛ.”

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yeremia 52:19

yeɛ komiti mmaa mmaa nemɔ, ngukue bɔ bɛfa see begua nu nemɔ, ndalie nemɔ, bua nemɔ, kanea bakaa nemɔ, ateɛ nemɔ, yeɛ kulie nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bɔ bafa ɛdwetɛ bayɔ nemɔ koso, awɛmvoɛ nemɔ aso safohene ne sesale bɛ hɔle.

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Hagae 2:2

“Kã kyire Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne, ɔne maen mmaa ngaa ne amukoraa kyɛ,

Hagae 2:21

“Kã kyire Yuda amrado Serubabɛl kyɛ: Mebaawoso anwuro ne aseɛ.

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.