Ɛsra 5:12 - AHYERƐLƐ KRONGRON

¹² Nakoso ɔnate kyɛ yɛ nana mɔ bɛmane nyameɛso Nyameɛ ne ɔfɛle bɛ so yaa ne ati, ɔfale bɛ wurale Babilɔn hene Nebukadenesa bɔ ɔte Kaldeaniɛ ne ye sa. Obubuli sua he guale, na ɔhyele maen ne anu ama nnure hɔle Babilɔn.

Ɛsra 5:12 Iomraidhean Croise

2 Ahemvo 24:2

Na AWURADE somane koɛhonɛfoɛ ɛlɔen fili Kaldeafoɛ, Siriafoɛ, Moabofoɛ ne Amonfoɛ nu maa bɛhɔle Yehoakim so. Ɔmaa bɛɛfale koɛ bɛtetale Yuda maen ne kyɛ bɛsɛkye ye, kyɛbɔ AWURADE dwirɛ bɔ ɔnate ye somvoɛ ngɔmhyɛlɛfoɛ so hane ne, ɔte ne ala.

2 Ahemvo 25:1

Sedekia lili hene ne, ye afoɛ ngona ne anu, bosome buru ne anu, ye eleburu ne aso, Babilɔn hene Nebukadenesa fale ye koɛhonɛfoɛ amukoraa ɔɔfale koɛ tetale Yerusalem, na otuale kuro ne. Bɛkyekyele nyinasoɛ bɔ bɛkɔfo so bɛkɔhɔ kuro ne anu ɔ bɛpɛle kuro berɛ fasue ne anwo beyiale.

2 Aberɛso Dwirɛ 36:20

Bɛ bɔ benyane bɛ ti bedidili nu ne amukoraa koso, ɔhyele bɛ nnure fale bɛ hɔle Babilɔn, na bɛɛyɛle ngoaa bɛmane ye ne ye mma mɔ alaa maa oodwuli kyɛ Pɛsia ahennie tumi dwɔsole ɔ.

Edwein 106:40

Yeɛ AWURADE fɛle ye maen ne aso yaa paa, na ohyili ye agyapadeɛ ne.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yeremia 5:29

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ metɔ bɛ so wereɛ anaa?”

Yeremia 51:59

Seraya bɔ ye baba ole Neria, bɔ ye baba ole Maaseya ne, ɔne Yuda hene Sedekia bɛhɔle Babilɔn wɔ Sedekia ye ahennie afoɛ bɔ ɔtɔ so nna ne anu nen, edwirɛ bɔ ngɔmhyɛlɛniɛ Yeremia fa tuale Seraya noa ne, ye ɛne. Né Seraya te sanaahene.

Yeremia 52:12

Babilɔn hene Nebukadenesa ye ahennie afoɛ bɔ ɔtɔ so buru ne ngona ne, bosome bɔ ɔtɔ so nnu ne, ye eleburu ne aso, awɛmvoɛ nemɔ aso safohene Nebusaradan bɔ osa te Babilɔn hene ye mbanyi nemɔ anu ko ne, ɔhɔle Yerusalem.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.

Maenbulɛfoɛ 6:1

Yisraelfoɛ yɔle bɔ ɔte bɔne wɔ AWURADE nyunu ɔ, na AWURADE fale bɛ wurale Midian sa afoɛ nzoo.